قىتايدىڭ قارىزى ىشكى جالپى ءونىمىنىڭ رەكوردتىق دەڭگەيىنە جەتتى
بۇل تۋرالى Lenta.ru The Financial Times باسىلىمىنا سىلتەمە جاساپ حابارلادى.
قارىزدىڭ بۇلايشا ءوسۋى قارجىلىق داعدارىستىڭ پايدا بولۋى تاۋەكەلىن ارتتىرادى نەمەسە ق ح ر ەكونوميكاسى ءوسۋىنىڭ باسەڭدەۋىنە اكەپ سوقتىرادى، دەپ ەسكەرتەدى باسىلىم ساۋال سالعان ەكونوميستەر.
2016 -جىلعى ناۋرىزدا قىتايدىڭ قارجى بيلىگى ەكونوميكاعا تريلليون يۋانعا جۋىق جاڭا نەسيەلەر باعىتتادى، ءبىرىنشى توقساندا قارجى قۇيۋ 2,6 تريلليون يۋانعا جەتتى. سونىڭ ناتيجەسىندە 2016 -جىلعى ناۋرىزدىڭ سوڭىندا سىرتقى جانە ىشكى قارىز سوماسى 163 تريلليون يۋانعا نەمەسە 25 تريلليون دوللارعا ءبىر- اق سەكىردى، دەپ ەسەپتەيدى The Financial Times.
قىتايدىڭ قارىزى كولەمى جاعىنان الەمنىڭ دامىعان ەكونوميكالارىمەن تەڭەستى. حالىقارالىق ەسەپ ايىرىسۋ بانكىنىڭ مالىمەتتەرى بويىنشا، ولاردا ورتاشا ءى ج ءو- نىڭ 175 پايىز قارىزدىق جۇكتەمەسى بار. بۇل كورسەتكىش بويىنشا جاپونيا الدا كەلەدى - ءى ج ءو- نىڭ 379 پايىزى. ەكىنشى ورىندا - گرەكيا - ءى ج ءو- نىڭ 300 پايىزى. ۇلى بريتانيا مەن ا ق ش- تىڭ قارىزى تيىسىنشە ءى ج ءو- نىڭ 245 جانە 244 پايىزىن قۇرايدى.
كەز كەلگەن ءىرى ەل قارىزدىڭ بۇلايشا شۇعىل وسۋىنەن قارجىلىق داعدارىسقا ۇشىرايدى نەمەسە ەكونوميكالىق ءوسىمنىڭ ۇزاققا سوزىلعان باياۋلاۋىنا اكەلىپ سوقتىرادى»، - دەپ اتاپ وتكەن Goldman Sachs ينۆەستيتسيالىق ستراتەگى حا دجيميننىڭ سوزدەرىن كەلتىرەدى ماتەريالدا The Financial Times.
2015 -جىلدىڭ قورىتىندىسىمەن قىتايدىڭ ءى ج ءو 6,9 پايىزعا ءوستى - بۇل سوڭعى شيرەك عاسىرداعى ناشار كورسەتكىش. ق ح ر- دىڭ دامۋ جانە رەفورمالار جونىندەگى ۇلتتىق كوميسسياسى اقپاندا 2016 -جىلعى ءى ج ءو ءوسىمىنىڭ ماقساتتى دياپازونىن 6,5-7 پايىز دەپ بەلگىلەگەن بولاتىن.
ق ح ر مەملەكەتتىك ستاتيستيكالىق كوميتەتىنىڭ مالىمەتتەرى بويىنشا، 2015 -جىلى قىتايدىڭ ونەركاسىپ كاسىپورىندارىنىڭ جيىنتىق تابىسى 6,4 تريلليون يۋانعا نەمەسە 973 ميلليارد دوللارعا قۇلدىرادى. بۇل تومەندەۋ ونەركاسىپ ونىمدەرىنە تومەن سۇرانىستىڭ اسەرىنەن بولدى، سونىڭ سالدارىنان كومپانيالار ءوندىرىستى قىسقارتىپ، باعانى تومەندەتتى.
