قازاق تىلىنە ۇيرەتەتىن بىردە- ءبىر دۇرىس ادىستەمە جوق

بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن بريفينگتە ق ر ءبىلىم جانە عىلىم ءمينيسترى ەرلان ساعاديەۆ وسىلاي ءمالىم ەتتى.

«ءتىلدى ۇيرەتەتىن ادىستەمەلەر باسقا ەلدەردە بارشىلىق. ءبىراق بىزدە جوق. قازاقتىڭ بالالارى شەت ەلدەرگە بارىپ، ولاردىڭ ءتىلىن بەس- التى ايدىڭ اينالاسىندا ۇيرەنىپ شىعادى. وقىپ، ءتۇسىنىپ، جازا الادى. ءدال وسىنداي قازاق ءتىلىن ۇيرەتەتىن ادىستەمە بىزدە جوق. سوندىقتان دا، وسى ولقىلىقتى تولتىرۋ ءۇشىن ەكى باعىتتا جۇمىس ىستەپ جاتىرمىز»، - دەدى ە. ساعاديەۆ.

ونىڭ ايتۋىنشا، قازاق ءتىلىن ۇيرەتەتىن جاڭا تەحنولوگيالار ازىرلەنىپ جاتىر. ەكىنشىدەن، ادىستەمە ەنگىزۋ ماماندارىنان جاستاردى شەت ەلدەردەگى حالىقارالىق ينستيتۋتتارعا جىبەرۋ كوزدەلەدى. «يزرايلمەن، گەرمانيامەن كەلىسىپ جاتىرمىز. «ادىستەمەلەر دايىندايتىن مەككە» سانالىپ كەلگەن گارۆارد ۋنيۆەرسيتەتىندە دە وقىتىپ، ادىسكەرلەر ارقىلى قازاق ءتىلىن دامىتۋدىڭ جاڭا تاسىلدەرىن مەڭگەرەتىن بولامىز»، - دەدى مينيستر.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى