جامبىل وبلىسىندا جۇك كولىگى ۆەلوجارىستان قازاقستاننىڭ چەمپيونىن قاعىپ ءولتىردى

ال اۋىر جاراقات العان ەكىنشى سپورتشى حال ۇستىندە جاتىر. بۇل تۋرالى «ك ت ك» ارناسى حابارلايدى.

جول اپاتى 22- ساۋىردە تاڭعى ساعات ون شاماسىندا بولعان. ەكى ۆەلوشاباندوزدى جۇك كولىگى باسىپ وتكەن. بىرەۋى سول جەردە ءتىل تارتپاي كەتسە، ەكىنشىسى جانساقتاۋ بولىمىندە جاتىر. سوققىنىڭ قاتتى بولعانىن ۆەلەوسيپەدتىڭ كۇل پارشاسى شىققان. بەلگىلىسى، سپورتشىلار «زيل» مەن «كامازدىڭ» الدىندا كەلە جاتقان. كەنەتتەن «زيل» ەكەۋىن باسىپ وزۋ ءۇشىن قارسى بەتكە شىعىپ كەتكەن. سول ساتتە ارتىندا كەلە جاتقان «كاماز» تاس جولعا تابانداي الماي ەكى شاباندوزدى قاعىپ ءوتىپتى.

كاماز جوعارى جىلدامدىقپەن جۇيىتكىسە كەرەك. ويتكەنى تاس جولدان شىعىپ كەتكەن كولىك 200 مەتر جەردەگى باتپاققا باتىپ ازەر توقتاعان. اپاتقا ۇشىراعان ەكى ازامات ۆەلوجارىستان قازاقستاننىڭ چەمپيوندارى.

ولار جۋىردا عانا قىزىلورداداعى جارىستان جەڭىسپەن ورلاعان ەكەن. دەنە قىزدىرۋ ءۇشىن جولعا شىققان كەزدە اپاتقا ۇشىراپ وتىر. ال جاتتىقتىرۋشىنىڭ ايتۋىنشا، ەكى-اق ادامدى ارنايى كولىكپەن قاراپ جۇرۋگە مىندەتتى ەمەس ەكەن. ءبىراق سوندا دا سوڭىنان ىلەستىم دەپ اقتالىپ الەك.

«ەكەۋىنىڭ جاسى 18 دە ەدى. سپورت شەبەرلەرى. بولاشاعىنان ۇلكەن ءۇمىت كۇتتىرگەن. ولار جولعا بىزدەن بۇرىن شىعىپ كەتىپ، ءبىز ارتىندا كەلە جاتقانبىز. ءبىراق جارتى جولدا دوڭعالاق جارىلىپ، سونى جوندەتۋگە بۇرىلىپ كەتتىك. سول ەكى ارادا وسىنداي جاعداي بولىپ وتىر»، - دەيدى جاتتىقتىرۋشى اناتولي گولوۆين.

جانتۇرشىگەرلىك اپاتتان ءتىرى قالعان ءابىلحايىر كوشەربايەۆتىڭ قابىرعالارى مەن قولى سىنعان. سونداي-اق، ميىنا قاتتى زاقىم كەلىپتى. ال، 36 جاستاعى «كاماز» جۇرگىزۋشىسى ىشكى ىستەر بولىمىندە تەرگەلۋدە. ازىرگە اپاتقا ناقتى كىم كىنالى ەكەنى بەلگىسىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى