قىتايدا شەتەلدىكتەرمەن كوڭىل قوسۋدان ساقتاندىراتىن ءازىل سۋرەتتەر توپتاماسى شىقتى
سۋرەتتەر ەلدەگى ۇلتتىق قاۋىپسىزدىك كۇنىنە وراي جاريالاندى. سۋرەت جەلىسى بويىنشا شەتەلدىك دەۆيد ەسىمدى ازامات مەملەكەتتىك قىزمەتكەر شياۋ ليمەن كوڭىل جاراستىرىپ جۇرەدى. تۋريست قىزعا كوڭىلىن ءبىلدىرىپ، قىمبات سىيلىقتار بەرەدى. ءبىراز ۋاقىت وتكەن سوڭ ول قىتايلىق قىزدان جۇمىسى جايلى سۇراستىرا ءجۇرىپ، ساياسي قۇپيا مالىمەتتەردى ءبىلىپ العان سوڭ ەلىنە تايىپ تۇرعان.
قىز كوڭىلدەسىنە قۇجاتتار كوشىرمەسىن بەرگەن سوڭ ونى اسكەري جانە مەملەكەتتىك قۇپيانى اشقانى ءۇشىن قاماۋعا الادى. شىنايى ومىردە مۇنداي قىلمىسى ءۇشىن ادام 5 جىلدان باستاپ، ءومىر بويىنا باس بوستاندىعىنان ايىرىلۋى مۇمكىن.
2015 -جىلدىڭ ءساۋىر ايىندا قىتاي سوتى 71 جاستاعى جۋرناليست گاۋ يۋيدى مەملەكەتتىك قۇپيانى اشقانى ءۇشىن 7 جىلعا باس بوستاندىعىنان ايىرىپ، 1 جىلعا دەيىن ساياسي قىزمەتتە جۇمىس ىستەۋ قۇقىعىن شەكتەگەن. سوت ونىڭ مەملەكەتتىك قۇپيا ساقتالعان قۇجات كوشىرمەسىن شەتەلدىككە بەرگەنى ءۇشىن كىنالى دەپ تانىدى.
