ەلباسىنىڭ ادامزات ءۇشىن ەڭ قۇندى بەيبىتشىلىكتى ساقتاپ قالۋ جونىندە باستاما كوتەرۋى ەرلىكپەن تەڭ - اۋعان سوعىسىنىڭ ارداگەرى
بۇل تۋرالى اقكول اۋداندىق اۋعان سوعىسى ارداگەرلەرى كەڭەسىنىڭ ءتوراعاسى ساتپەك ءالىمجانوۆ پىكىرىن ءبىلدىردى.
ونىڭ ايتۋىنشا، ەلباسىمىزدىڭ الەمىنىڭ الپاۋىت مەملەكەتتەرى باسشىلارىنىڭ الدىنا، ۇلكەن مىنبەردەن وسىنداي باستاما كوتەرىپ، ادامزات ءۇشىن ەڭ قۇندى بەيبىتشىلىكتى ساقتاپ قالۋ جونىنە باستاما كوتەرۋى ەرلىكپەن پارا- پار.
«وندا ەلباسى «بارشا ادامزات ХХІ عاسىرعا جاھاندىق ىنتىماقتاستىقتىڭ جاڭا ءداۋىرى رەتىندە ءۇمىت ارتتى. ءبىراق بۇگىندە بۇل ەلەستىڭ ساعىمعا اينالۋى ىقتيمال. الەمگە تاعى دا قاتەر ءتونىپ تۇر جانە ونىڭ اۋقىمىن ەسكەرمەۋگە بولمايدى. جانە بۇل قاتەر - جاھاندىق سوعىس!..» دەپ اتاپ وتكەن بولاتىن.
جاسىراتىنى جوق، بۇگىنگى تاڭدا قايدا قۇلاق تۇرسەڭ دە، قىرعيقاباق سوعىس، جانجال. مەملەكەت ىشىندە شەشىلەتىن بولماشى ءبىر ماسەلە حالىقارالىق داۋعا اينالىپ كەتۋى ادەتكە اينالعان. كەزىندە سوعىس ءبىزدىڭ ەلدەن دە اينالىپ وتكەن جوق. قانشاما ەرلەرىمىز وتان ءۇشىن وتقا ءتۇسىپ، تولارساقتان ساز كەشتى. قانشاما انا ۇلىنان ايىرىلدى، قانشاما ايەل جەسىر، قانشاما بالا جەتىم قالدى. سوندىقتان تاۋەلسىز ەلدىڭ بالاسى ءبىز ءۇشىن بەيبىتشىلىكتەن اسقان باقىت جوق. ونى قادىرلەي بىلەيىك.
ەلباسىمىز اتاپ وتكەنىندەي، عىلىم مەن ءبىلىم قارىشتاپ دامىعان ХХІ عاسىردا الەمگە تىنىشتىق كەرەك! وعان ءبىر ەل عانا ەمەس، بۇكىل ادامزات بالاسى ۇلەس قوسۋى كەرەك.
بىزدە سول ادامزاتتىڭ ءبىر بولشەگى رەتىندە بۇكىل الەم ەلدەرىن بەيبىتشىلىككە شاقىرىپ وتىرعان ەلباسىمىزدى قولداۋ ارقىلى ءۇن قوسساق، نۇر ۇستىنە نۇر بولار ەدى»، - دەيدى س. ءالىمجانوۆ.
