عالىمدار بالىقتان جاسالعان تاعامنىڭ ادام اعزاسىنا زيان ەكەنىن انىقتادى
باسىلىمنىڭ مالىمەتىنشە، تەڭىز جانۋارلارىنىڭ تىندەرىنە تۇسەتىن كۇشتى ورگانيكالىق لاستاۋشىلار وسى بالىقتى تۇتىنعان ادامعا ارتىق توكسيندەردەن قۇتىلۋعا مۇمكىندىك بەرمەيدى.
ادام اعزاسىندا ۋلاعىش زاتتاردى جىبەرمەيتىن P- گليكوپروتەين (P-gp) اتتى اقۋىز بار. عالىمدار كۇشتى ورگانيكالىق لاستاۋشىلاردىڭ وسى P- گليكوپروتەيننىڭ ىشىنە وڭاي كىرىپ، اعزانى لاستايتىنىن بۇرىننان ايتىپ جۇرگەن ەدى. دەگەنمەن عالىم امرو حامدۋن مەن ونىڭ ۇجىمداستارى كۇشتى ورگانيكالىق لاستاۋشىلاردىڭ P- گليكوپروتەيننىڭ ىشىنە كىرمەيتىنىن، وعان جابىسىپ الىپ، ادام اعزاسىن قورعاۋ جۇيەسىن بۇزاتىنىن انىقتادى.
«ءبىز مۇنداي بالىقتى جەگەن كەزدە اعزامىزداعى ماڭىزدى قورعاۋ جۇيەسىنىڭ تيىمدىلىگىن بۇزامىز. بۇل ادامدارعا دا، تەڭىز جانۋارلارىنا دا قاتىستى»، - دەدى حامدۋن.
