قازاقستاندىق دەلەگاتسيا قىتايدىڭ كىتاپحانا جانە مۇراجاي سالاسىنىڭ دامۋ تاجىريبەسىمەن تانىستى

«ق ح ر ءتوراعاسى شي جينپيڭ مەن قازاقستان پرەزيدەنتى نۇرسۇلتان نازاربايەۆ ءبىر- بىرىمەن ءجيى كەزدەسىپ وتىرادى. ءبىزدىڭ ەلدەرىمىز تاتۋ كورشى جانە سەنىمدى سەرىكتەس، بارلىق باعىتتار، سونىڭ ىشىندە مادەنيەت سالاسىندا دا ىنتىماقتاستىعىمىز دامىپ كەلەدى»، - دەدى كەلىسسوزدەر بارىسىندا يان جيجين.

ول وتكەن جىلى الماتى قالاسىندا قىتايلىق كومپوزيتور شيان شينحايدى، ال بەيجىڭ قالاسىندا ابايدىڭ 170 جىلدىعىن اتاپ وتكەنىن ايتىپ ءوتتى. سونداي- اق، قىتايدا كىتاپحانا جۇيەسىنىڭ دامۋى تۋرالى باياندادى.

ءسوز كەزەگىن العان ماحمۇد قاسىمبەكوۆ يان جيجينگە جىلى قارسى العانى جانە ساپاردىڭ مازمۇندى باعدارلاماسى ءۇشىن العىس ءبىلدىرىپ، ق ر تۇڭعىش پرەزيدەنتى - ۇلت كوشباسشىسىنىڭ كىتاپحاناسى تۋرالى بايانداپ بەردى.

ەسكە سالا كەتەيىك، 13-18 -ءساۋىر كۇندەرى م. قاسىمبەكوۆ جەتەكشىلىك ەتكەن قازاقستاندىق دەلەگاتسيا بەيجىڭ، شاڭحاي جانە شيان قالالارىنىڭ زاماناۋي مۇراجايلارى جانە ەكسپوزيتسيالارمەن تانىسۋ، مۇراجاي سالاسىنىڭ جاڭا تەحنولوگيالارىن زەرتتەۋ ءۇشىن جۇمىس ساپارىمەن قىتايعا باردى.

اۆتور: قانات مامەتقازى ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى