قازاقستاننىڭ اسكەري تەڭىزشىلەرى باحرەين كورولدىگىندە تەڭىز ينفراقۇرىلىمىنىڭ ماسەلەلەرىن تالقىلادى
بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلادى.
بۇگىنگى تاڭدا تەڭىز ينفراقۇرىلىمى ماسەلەسى وتە وزەكتى. جاھاننىڭ كوپتەگەن ەلدەرى لاڭكەستەردىڭ، قاراقشىلاردىڭ تاراپىنان قاۋىپ- قاتەرلەرگە دۋشار بولىپ وتىر. وسى قاتەردى بولدىرماۋ جانە ساۋدا كەمەلەرىنىڭ تەڭىزدە ءجۇزۋ قاۋىپسىزدىگىن قامتاماسىز ەتۋدە تەڭىز كومپانيالارى اسكەري- تەڭىز كۇشتەرى مەن جاعالاۋ كۇزەتىمەن تىعىز قارىم- قاتىناستا بولۋى قاجەت.
كونفەرەنسيا بارىسىندا 30 ەلدىڭ اسكەري- تەڭىز كۇشتەرىنىڭ وكىلدەرى، 20-دان اسا كومپانيا جانە اسكەري- تەڭىز سالاسىنداعى 30-دان اسا مامان وسى جانە وزگە دە ماسەلەلەردى تالقىلادى.
ودان باسقا، ساپار بارىسىندا ق ر ق ك ءا ت ك باس قولباسشىسى بەسىنشى فلوتتىڭ قولباسشىسى ۆيتسە- ادميرال ك. دونەگانمەن كەزدەستى. كەزدەسۋدە ق ر ق ك ءا ت ك اسكەري قىزمەتشىلەرىنىڭ ا ق ش ءا ت ك 5- فلوتىنىڭ كورابلدەرىندە پراكتيكادان جانە تاعىلىمدامان ءساتتى ءوتۋى، سونداي- اق ولاردىڭ ءارتۇرلى كونفەرەنسيالارعا، فورۋمدار مەن سيمپوزيۋمدارعا قاتىسۋى تالقىلاندى. سونىمەن قاتار، ەكى ەلدىڭ اسكەري قىزمەتشىلەرى ا ق ش ءا ت ك- ءنىڭ «Proud Lions» كورابلىنە باردى. بۇگىنگى تاڭدا شەتەلدە ق ر اسكەري- تەڭىز كۇشتەرىنىڭ بولاشاق اسكەري قىزمەتشىلەرى اتاناتىن 50-دەن اسا قازاقستاندىق كۋرسانت ءبىلىم الىپ جۇرگەنىن ايتا كەتەيىك.
