فۋتبول: «اقجايىق» سىرت الاڭدا «تارازدى» تىزە بۇكتىردى

تىكەلەي سپورتتىق كورسەتىلىم ارقىلى ءمالىم بولعانىنداي، وتكەن تۋردا ءوز الاڭىندا كوكشەتاۋدىڭ «وقجەتپەسىنەن» 0:2 ەسەبىمەن ۇتىلعان «اقجايىق» كومانداسىنىڭ باس باپكەرى تالعات بايسۋفينوۆ بۇل جولى از-كەم وزگەرىس جاسادى. ايتالىق، قاقپاعا نۇربولات قالمەنوۆ تۇرسا، جارتىلاي قورعاۋشى انتون شۋرىگين الاڭعا شىقتى. بيىل پاۆلوداردىڭ «ەرتىسىنەن» اۋىسىپ كەلگەن شابۋىلشى قۋانىش بەگالين دە بىردەن ويىنعا قوسىلدى.

كەزدەسۋ بارىسىندا الاڭ يەلەرى باسىمدىق كورسەتكەنىمەن، قوناقتار دا قاراپ قالمادى. ماتچ اياقتالۋعا ون مينۋتتاي ۋاقىت قالعاندا، قۋانىش بەگالين مەرگەندىك كورسەتىپ، بيىلعى ماۋسىمداعى العاشقى دوبىن سوقتى. بۇدان كەيىن تارازدىق الىشەر سۇلەي ن. قالمەنوۆپەن جەكەدارا قالعان ءساتتى پايدالانا المادى.

ءسويتىپ «اقجايىق» 1:0 ەسەبىمەن جەڭىسكە جەتتى. وسى تۋردان كەيىن 6 ۇپايمەن تۋرنير كەستەسىنىڭ ورتاسىنا ورنىققان ورالدىقتار كەلەسى ويىنىن 17- ءساۋىر كۇنى اتىراۋدا جەرگىلىكتى كوماندامەن وتكىزەدى.

ايتا كەتەيىك، «تارازدىڭ» قۇرامىندا كەزىندە «اقجايىق» كومانداسىنىڭ نامىسىن قورعاعان يگور زەنكوۆيچ پەن يليا ۆوروتنيكوۆ وينادى.

اۆتور: ەلجان ەرالى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى