استانا وقۋشىلارى عارىشتىق زەرتتەۋلەر جارىسىنان جۇلدەلى ورالدى
جارىس قورىتىندىسى بويىنشا ەلوردالىق 26 جاس عالىم ۇيگە ولجالى قايتتى. بۇل تۋرالى ەلوردانىڭ رەسمي سايتى حابارلادى.
XII «عىلىم الەمىن اشامىز» عارىشتىق زەرتتەۋلەر بويىنشا حالىقارالىق عىلىمي جارىس بايقوڭىر قالاسىندا اكادەميك ۆ. چەلومەيا اتىنداعى حالىقارالىق عارىش مەكتەبىندە «دارىن» رەسپۋبليكالىق عىلىمي-پراكتيكالىق ورتالىعىمەن عارىشكەرلەر كۇنى قارساڭىندا جىل سايىن وتكىزىلەدى.
عىلىمي جارىستاردىڭ باستى ماقساتى - عىلىمعا جاسوسپىرىمدەردىڭ قىزىعۋشىلىعىن ارتتىرۋ، عىلىمي-زەرتتەۋ قىزمەتىنە باۋلۋ، وتاندىق جانە الەمدىك عارىشتىق جەتىستىكتەردى ناسيحاتتاۋ، دارىندى بالالاردى انىقتاۋ، دامىتۋ جانە قولداۋ.
عىلىمي جوبالاردى قورعاۋ 5 سەكسيا بويىنشا جۇرگىزىلدى: «زىمىراندىق تەحنيكا جانە ينفراقۇرىلىم»، «عارىشتىق اقپاراتتىق تەحنولوگيالار جانە مودەلدەۋ»، «ەكولوگيا جانە عارىشتىق قىزمەت»، «استروفيزيكا جانە دۇنيە ءجۇزىنىڭ ەۆوليۋتسياسى»، «كۇن جۇيەسى».
جارىسقا 11 سىنىپ وقۋشىلارى - بيىلعى رەسپۋبليكالىق عىلىمي جوبالار كونكۋرسىنىڭ Ⅱكەزەڭىنىڭ جەڭىمپازدارى مەن جۇلدەگەرلەرى، I، Ⅱجانە Ⅲ ارەجەلى ديپلوم العاندار قاتىستى. عىلىمي جوبالار جارىسىنىڭ قورىتىندىسى بويىنشا 26 ەلوردالىق وقۋشى جۇلدەلى ورىندارعا يە بولدى، سونىڭ ىشىندە 9 «التىن»، 7 «كۇمىس»، 10 «قولا».
«جارىس جوعارى دەڭگەيدە ۇيىمداستىرىلعان. بالالار عارىشقا جاقىن كەڭىستىككە ەندى. العاش رەت بايقوڭىر عارىش ايلاعىن، تۇڭعىش عارىشكەر مۋزەيىن، كونسترۋكتور كوروليەۆتىڭ ءۇيىن تاماشالادى. كوپتەگەن پايدالى اقپاراتتى ولار ءوز جوبالارىنا قوسقان بولاتىن. وسىلايشا، جارىستا جاقسى ناتيجەلەرگە قول جەتكىزدى»، - دەدى «استانا دارىنى» ر ع پ و يننوۆاتسيالىق پەداگوگيكالىق تەحنولوگيالار زەرتحاناسىنىڭ ادىسكەرى جانار بەيسەنبايەۆا.
