بەلسەندىلەر قازاق قىزدارىنا وزگە ۇلت وكىلدەرىنە كۇيەۋگە شىعۋعا تىيىم سالۋدى ۇسىندى
«جاس قىراندار» جاستار قاناتى كەزەكتى باس قوسۋىن «قازاق قىزىنىڭ ارىن قالاي ساقتاپ قالامىز؟» دەگەن تاقىرىپقا ارنادى.
بۇل تۋرالى قامشى باسىلىمى جازادى.
«ارسىزدىقپەن كۇرەستى ودان ءارى تەگەۋرىندى تۇردە جالعاستىرا بەرۋ كەرەك. ءبىر ساتكە توقتاماۋ كەرەك. توقتاساق قۇريمىز. يدەولوگيالىق جۇمىستاردىڭ ناشارلىعىنان جاستارىمىزدىڭ رۋحاني ازعىنداۋى شارىقتاۋ شەگىنە جەتىپ تۇر. ءدال ەكى مىڭ جىلدىق تاريحى بار، قازاق ەلىندە بۇگىنگىدەي ءتانىن ساتىپ قارابەت بولۋ بولعان ەمەس»، - دەيدى ۇيىم بەلسەندىلەرى.
«قازاق قىزدارىنىڭ جەزوكشەلىگى ۇلتقا قارا تاڭبا بولدى. ءبىر ميلليارد حالقى بار ءۇندى ەلىنىڭ ەڭ تانىمال بلوگەرى شاحكار ابيدي اتتى جۋرناليسى الەمدىك سەكس - يندۋستريانىڭ وتانى - قازاقستان، ال استاناسى-الماتى قالاسى دەپ جار سالدى. ول امەريكا قۇراما شتاتتارى ديپميسسياسىنىڭ 2012-جىلدىڭ قورىتىندىسىنا ارنالعان ەسەبىندەگى قازاقستان رەسپۋبليكاسىن ايەلدەر جانە جاسوسپىرىم قىزداردىڭ سەكس-ترافيگىنىڭ باستاۋشىسى جانە ترانزيتتىك ورتالىعى رەتىندە كورسەتتى دەپ جازدى.
بۇدان ارتىق قانداي كلەيمو كەرەك بىزگە. ءدال وسى جاعدايدا بايلىق نەگە كەرەك، بارلىق نەگە كەرەك. اشىعىن ايتسام وسى قالىپتاسقان جاعداي ءبىزدى الاڭداتىپ وتىر. وسى ازعىنداۋدى توقتاتپاساق، كۇلكىمىزدى جيا الماي قالامىز. لوگيكاعا سالساق سەكس-تۋريزم، جەزوكشەلىك، ادامداردىڭ ازعىنداۋى ەكونوميكاسى وتە ناشار، نامىسى تاپتالعان، ار-ۇياتى از ەلدە عانا ورىن الادى ەمەس پە؟ ءبىزدىڭ مەملەكەتتىك ءان-ۇرانىمىزدا. «نامىسىن بەرمەگەن قازاعىم مىقتى عوي» دەگەن قاناتتى سوزدەر جازىلعان. ءسوزسىز قازاق ايەلدەرى مەن قىزدارىنىڭ ار-ۇياتتى اياققا تاپتاپ، ارسىزدىقتىڭ باتپاعىنا باتۋلارى ۇلتتىق قازاقي نامىسىمىزعا اۋىر سوققى بولىپ تۇر»، - دەگەن «جاسقاناتشىلار» قازاق قىزىنىڭ ارىن ساقتاپ قالۋدىڭ جولدارىن دا كورسەتىپ كەتكەن:
بىرىنشىدەن: بارلىق قازاق قىزدارى تەگىن ءبىلىم الۋلارى كەرەك. جوعارعى وقۋ ورىندارىنداعى اقىلى وقىتۋدى توقتاتۋ قاجەت.
ەكىنشىدەن: «سەكسحانا» جانە «بوردەل» بولىپ كەتكەن سانسىز «ساۋنا»، «حاۋىز»، «حامامداردى» «تۇنگى جىن-ويناقتاردى»، «گەي، گەيشا كلۋبتاردى»، «قوناق ۇيلەردى» جابۋ كەرەك.
ۇشىنشىدەن: قازاقتىڭ قىزدارى تەك قازاقتىڭ جىگىتتەرىنە تۇرمىسقا شىعۋلارى كەرەك.
تورتىنشىدەن: لاس تۋريزمدى ەلىمىزگە كىرگىزبەۋ كەرەك.
بەسىنشىدەن: يدەولوگياعا جانە جاستار تاربيەسىن جەتە كوڭىل ءبولۋ.
التىنشىدان: يدەولوگيا سالاسىندا تەليەۆيدەنيە، راديو، ينتەرنەت سالالارىن قاتتى قاداعالاپ، ۇلتتىق رۋحىمىزعا زيان تيدىرمەيتىن ونىمدەردى عانا كورسەتۋ كەرەك.
جەتىنشىدەن: وسى جۇمىستارعا ارنالعان «ۇلى دالا قىراندارى» رەسپۋبليكالىق قوعامدىق مادەني-الەۋمەتتىك قوزعالىسى دايىنداعان «25» - اتتى ماڭىزدى باعدارلامانى ۇكىمەتتىك دەڭگەيدە قابىلداپ، ۇلتتىڭ «ار وجدان» ماسەلەسىن باستى نازاردا ۇستاۋ قاجەت. بۇل ازاماتتىق ۇستانىم بولىپ سانالادى.
