الماتى اكىمى كەزەكتى ۆەلوشەرۋ ماۋسىمىن اشتى - فوتو

  جالپى قاشىقتىق - 9 شاقىرىمدى قۇرادى. ق ر تاۋەلسىزدىگىنىڭ 25 جىلدىعى مەن الماتى قالاسىنىڭ 1000 جىلدىق مەرەيتويىنا ارنالعان بۇل سپورتتىق شاراعا 3 مىڭنان استام ادام قاتىستى. ولاردىڭ ىشىندە الماتى اكىمى باۋىرجان بايبەك پەن «الماتى ارۋى-2014» بايقاۋىنىڭ جەڭىمپازى رەگينا ۆاندىشيەۆا دا بولدى.

 «ءبىز بۇل كۇندى بارلىعىمىز دا اسىعا كۇتتىك. بولجام بويىنشا بۇگىن جاۋىن- شاشىن بولۋى مۇمكىن ەدى. الايدا، بۇلت سەيىلىپ، كۇن جارقىراپ شىعىپ، كوڭىلىمىزدى شۋاقتاندىرىپ جىبەردى. مەن بارلىقتارىڭىزدى كەزەكتى ۆەلو ماۋسىمنىڭ اشىلۋىمەن قۇتتىقتايمىن!

بيىل قالامىزدا 6 ۆەلوشەرۋ وتەدى. الماتىدا بۇقارالىق سپورتتى دامىتۋعا بارلىق جاعداي جاسالعان.

 ال ۆەلوسيپەد ناعىز دەموكراتيالىق سپورت تۇرلەرىنىڭ ءبىرى. اتاقتى عالىم البەرت ەينشتەيننىڭ: «ۆەلوسيپەد ءومىر سەكىلدى: تەپە- تەڭدىكتى ساقتاعىڭ كەلسە، ۇنەمى قوزعالىستا بولۋىڭ كەرەك»، - دەگەن ءسوزى بار. ول ءوزى دە ۆەلوسيپەەد تەپكەندى جاقسى كورگەن. الەمدە ماشينالاردىڭ سانى 400 ميلليوننان اسسا، ۆەلوسيپەدتەردىڭ سانى ولاردان ءۇش ەسە كوپ. ءبىزدىڭ قالامىزدا دا ءدال وسىنداي ارا قاتىناس ساقتالادى دەگەن ۇمىتتەمىن»، - دەدى قالا باسشىسى.

ال ۆەلوشەرۋ اياقتالعان سوڭ، قاتىسۋشىلار ەستەلىك سىيلىقتارمەن ماراپتتالدى. سونىمەن قاتار، تۇڭعىش پرەزيدەنت ساياباعىنىڭ الدىندا ۆيكتورينا بايقاۋى جانە كونسەرت ۇيىمداستىرىلدى.

              

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى