جاپونيادا وقۋشىلار الىستان مەڭگەرىلەتىن مەكتەپتە ءبىلىم الۋدا
اشىلۋ راسىمىنە مەكتەپتىڭ ءبىرىنشى كۋرستاعى 1482 وقۋشىسىنىڭ 73 ءى قاتىستى. توكيودا ءجۇرىپ، ولار ۆيرتۋالدىق جاعداي كوزىلدىرىكتەرى ارقىلى وكيناۆادا ارادا 1500 شاقىرىمداي قاشىقتىقتا ورنالاسقان مەكتەپ ديرەكتورىنىڭ ءسوزىن ەستىپ قانا قويماي كامپۋستاعى بارلىق جاعدايدى كورە جانە سەزىنە الدى.
«ستۋدەنتتەر ۆيرتۋالدىق كوزىلدىرىك كومەگىمەن وكيناۆا اتموسفەراسىن سەزىنە العانىن قالادىق. ءبىز تەحنيكالىق بىلىمگە يكەمى بار ستۋدەنتتەردى وقىتۋعا تىرىسىپ وتىرمىز، سوندىقتان ولارعا ۆيرتۋالدىق جابدىعىن سىناقتان وتكىزۋ مۇمكىندىگى بەرىلدى»، - دەپ حابارلادى Dwango Corp كومپانياسىنىڭ باسپا ءسوز قىزمەتكەرى ميسا ناشيموتو.
ناۋرىزدا Kadokawa Dwango Corp مەدياحولدينگى N High School - ءى ت جانە مەدياتەحنولوگيالاردى زەرتتەۋگە ارنالعان ۆيرتۋالدىق مەكتەپتى اشتى.
ستۋدەنتتەر ارنايى قوسىمشانىڭ كومەگىمەن بارلىق دەرلىك شارالارعا «قاتىسىپ»، سىنىپتاستارىمەن ونلاين رەجيمدە اڭگىمەلەسە الادى. بۇل وقۋ مەكەمەسىندە ءبىلىم الۋدىڭ قۇنى جىلىنا 900 دوللار شاماسىندا.
