ت م د- عا تەڭ ءتوراعالىق ەتۋشى ەلدەردىڭ سىرتقى ىستەر مينيسترلەرى قاراباق داۋىنىڭ شيەلەنىسۋىنە بايلانىستى مالىمدەمە قابىلدادى
بۇل تۋرالى تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ سىرتقى ىستەر مينيسترلەرىنىڭ مالىمدەمەسىندە ايتىلعان. جۇما كۇنى رەسەي استاناسىندا ت م د سىرتقى ىستەر مينيسترلەرى كەڭەسىنىڭ وتىرىسى ءوتىپ جاتىر.
«جانجال تاراپتارىن سوعىس ءىس-قيمىلدارىن توقتاتۋ رەجيمىن ساقتاپ، ادامدار ءولىمىن بولدىرماۋ ماقساتىندا ۇستامدىلىق تانىتۋعا شاقىرامىز. جاعدايدى تۇراقتاندىرۋ جانە ە ق ى ۇ مينسك توبىنىڭ تەڭ ءتوراعالارى انىقتاعان قاعيداتتاردىڭ نەگىزىندە جانجالدى بەيبىت تۇردە رەتتەۋ بويىنشا بولۋى مۇمكىن بارلىق شارالاردى تەزىرەك قولدانۋ قاجەت»، - دەلىنگەن مالىمدەمەدە.
اۆتور: قانات مامەتقازى ۇلى
