ب ۇ ۇ ۇيلەستىرۋشىسى قازاقستاننىڭ قاۋىپسىزدىك كەڭەسىنىڭ تۇراقتى ەمەس مۇشەسى بولۋ نيەتىن قولدادى
ايتا كەتەيىك، بۇگىن اقوردادا ق ر مەملەكەتتىك حاتشىسى گۇلشارا ءابدىقالىقوۆا تۇراقتى وكىل نوريماسا شيمومۋرانى قابىلداعان بولاتىن.
«قازاقستان ۇلتتىق دەڭگەيدە وتە اۋقىمدى جۇماستار اتقارعانىن اتاپ وتكەن ءجون. ەلدەرىڭىز ءبىرقاتار ماڭىزدى رەفورمالاردى ىسكە قوستى. سونىمەن قاتار قازاقستان حالىقارالىق ارەنادا وتە ماڭىزدى جۇمىستارىمەن كورىندى. ونىڭ ىشىندە ق ر پرەزيدەنتى وتكەن جىلى ب ۇ ۇ باس اسسامبلەياسىندا ءسوز سويلەپ، كوپتەگەن حالىقارالىق باستامالاردى قوزعادى جانە ولار ۇيىم دەڭگەيىندە قولداۋعا يە بولدى. ارينە، ءبىز ب ۇ ۇ رەتىندە وسى يدەيانى قولدايمىز، سەبەبى قازاقستان ءوزىنىڭ تاجىريبەسىن ەنگىزىپ، سونىمەن قاتار ساياسي جانە ەكونوميكالىق دامۋ ءۇردىسىن ۇدەتە الادى. قازاقستان وزىنە قوسىمشا مىندەتتەمەلەردى الۋعا قاۋقارلى ەكەنىن قولدايمىن جانە قۋانىشتىمىن. بۇل رەتتە ەلدەرىڭىز بۇۇ جۇيەسىنە وزىندىك ۇلەسىن قوسا الادى دەپ ويلايمىن»، - دەدى نوريماسا شيمومۋرا تىلشىلەرگە بەرگەن سۇحباتىندا.
بۇل رەتتە ول ق ر پرەزيدەنتى ن. نازاربايەۆتىڭ ب ۇ ۇ- نى رەفورمالاۋ بويىنشا ۇسىنىسىنا توقتالدى.
«پرەزيدەنتتىڭ باستاماسى وتە ماڭىزدى. مەن ءاردايىم نۇرسۇلتان نازاربايەۆ وتە پاراساتتى ادام ەكەنىن ايتىپ جۇرەمىن. ۇيىم ⅩⅩ عاسىردا قۇرىلدى، سايكەسىنشە ول كەزدە الەم باسقاشالاۋ ەدى جانە ول كەزدەگى ويىن ەرەجەلەرى دە وزگەشە بولاتىن. ن. نازاربايەۆتىڭ سوزىمەن ايتساق، قازىرگى 21 - عاسىردا الەم وزگەرۋدە، وسى ورايدا ب م ۇ دا رەفورمالانۋى ءتيىس. ەگەر دە وزگەرىستەر ۇيىمنىڭ يگىلىگىنە قاراي بولسا، مەن بۇل جاڭاشىلدىقتاردى ءارقاشان دا قولدايمىن»، - دەدى ول.
كەزدەسۋ بارىسىندا گۇلشارا ءابدىقالىقوۆا بيىلعى ماۋسىمدا قازاقستان ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە سايلانعان جاعدايدا، ادامزات الدىنداعى ماسەلەلەردى شەشۋدە ايتارلىقتاي ۇلەس قوسۋعا، سونىمەن قاتار ورتالىق ازيا ءوڭىرىنىڭ ماسەلەلەرىنە حالىقارالىق قاۋىمداستىقتىڭ نازارىن بەلسەندى تارتۋعا دايىن ەكەنىن اتادى.
اۆتور: رۋسلان عابباسوۆ
