ورتالىق ازياداعى ەڭ مىقتى اسكەري قارۋلى كۇشكە يە مەملەكەت انىقتالدى
قازاقستان 66-ورىنعا جايعاسسا، قىرعىزستان - 78-، تاجىكستان - 81-، تۇركىمەنستان 90-ورىندارعا تابان تىرەگەن. رەيتينگتى قۇراستىرۋشىلار 50 ءتۇرلى فاكتورلاردى ەسەپكە الادى ەكەن، ونىڭ ىشىندە ەلدەگى قارۋدىڭ جالپى سانى، ەل ەكونوميكاسىنىڭ احۋالى، جاعرافيالىق ورنالاسۋى، تابيعي رەسۋرستارى، اسكەري قىزمەتكە جارامدى حالىق سانى ت. ب. وسى سىندى فاكتورلار بار ەكەن.
ءبىراق وندا ەلدىڭ يادرولىق الەۋەتى مەن ساياسي-اسكەري باسشىلىق دەڭگەيى ەسەپكە الىنباعان. رەيتينگ ورتالىق بارلاۋ باسقارماسى (ا ق ش)، ەنتسيكلوپەديالىق رەسۋرستار، ب ا ق- تاعى جاريالانىمدار جانە باسقا دەرەككوزدەرى مالىمەتتەرىنىڭ نەگىزىندە دايىندالعان.
«ازيا - تىنىق مۇحيت» ايماعى ەلدەرىنىڭ اراسىندا اسكەري قۋاتتىلىق جاعىنان قازاقستان 21-ورىندا. رەيتينگكە سايكەس، وزبەكستاندا اسكەري قىزمەتكە 13,3 ميلليوننان استام ادام جارامدى بولسا، جىل سايىن 600 مىڭنان استام ادام اسكەري قىزمەتكە شاقىرۋ جاسىنا جەتەدى ەكەن.
ارميا قۇرامىنىڭ سانى - 65 مىڭ ادام. ەل اسكەرىنىڭ يەلىگىندە - 420 تانك، 715 بتر جانە ب م پ، 880 بىرلىك سۇيرەلمەلى ارتيللەريا، 143 ءوزى جۇرەتىن ارتيللەريالىق قوندىرعىلار، 109 دۇركىندەتىپ اتاتىن رەاكتيۆتىك جۇيەلەر، 166 ۇشاقتار، ونىڭ ىشىندە 69 توسقاۋىلشى/يسترەبيتەل جانە 50 جۇك ۇشاعى، سونداي-اق، 69 تىكۇشاقتار بار.
رەيتينگتى قۇراستىرۋشىلاردىڭ مالىمەتتەرى بويىنشا، وزبەكستاننىڭ قورعانىس بيۋدجەتى 70 ميلليون دوللاردى قۇرايدى ەكەن. «ۆيكيپەديا» دەرەكتەرى بويىنشا، وزبەكستان 2010-جىلى قورعانىس سالاسىنا 1,7 ميللياردتان استام قارجى جۇمساعان. 2014-جىلى «فەرعانا» بۇل ەلدىڭ قورعانىس بيۋدجەتى شامامەن 2 ميلليارد دوللاردى قۇرايتىنىن حابارلاعان- دى.
Globalfirepower.com دەرەكتەرى بويىنشا قازاقستاندا اسكەري قىزمەتكە 6,44 ميلليون ازامات جارامدى بولسا، جىل سايىن 245 مىڭ ادام اسكەري قىزمەتكە شاقىرۋ جاسىنا تولادى، ارميا قۇرامىنىڭ سانى - 110 مىڭ ادام. ارميادا 300 تانك، 1613 بتر جانە ب م پ، 285 ءوزى جۇرەتىن قوندىرعىلار، 744 بىرلىك سۇيرەلمەلى ارتيللەريا، 393 دۇركىندەتىپ اتاتىن رەاكتيۆتىك جۇيەلەر، جاعالاۋدى قورعايتىن 12 كەمە، 244 ۇشاقتار، ونىڭ ىشىندە 103 توسقاۋىلشى/يسترەبيتەل جانە 64 جۇك ۇشاقتارى، سونداي-اق 69 تىكۇشاقتار بار. قازاقستاننىڭ قورعانىس بيۋدجەتى 2435 ميلليون دوللاردى قۇرايدى.
قىرعىزستانداعى اسكەري قىزمەتكە جارامدى حالىقتىڭ سانى - 2,377 ميلليون ادام، جىل سايىن 111 مىڭ ادام اسكەري قىزمەتكە شاقىرۋ جاسىنا تولادى، 16500 ادام اسكەردە قىزمەت ەتەدى. ارميانىڭ يەلىگىندە 150 تانك، 438 بتر جانە ب م پ، 30 ءوزى جۇرەتىن قوندىرعىلار، 159 بىرلىك سۇيرەلمەلى ارتيللەريا، 21 دۇركىندەتىپ اتاتىن رەاكتيۆتىك جۇيەلەر، 6 ۇشاق، ونىڭ ىشىندە 4 جۇك ۇشاعى جانە 6 تىك ۇشاق بار. قىرعىزستاننىڭ قورعانىس بيۋدجەتى - 240 ميلليون دوللار.
تاجىكستاندا اسكەري قىزمەتكە 3,2 ميلليون ادام جارامدى، جىل سايىن 152 مىڭ ادام اسكەرگە شاقىرۋ جاسىنا جەتەدى، ارميانىڭ ساندىق قۇرامى - 6 مىڭ ادام. ەلدە 37 تانك، 46 بتر جانە ب م پ، 0 ءوزى جۇرەتىن قوندىرعى، 10 بىرلىك سۇيرەلمەلى ارتيللەريا، 3 دۇركىندەتىپ اتاتىن رەاكتيۆتىك جۇيەلەر، 25 ۇشاق، 15 جۇك ۇشاقتارى، سونداي-اق 20 تىكۇشاق بار.
تاجىكستاننىڭ قورعانىس بيۋدجەتى - 75 ميلليون دوللار، اسكەري قىزمەتكە جارامدى حالىقتىڭ سانى - 2,255 ميلليون، جىل سايىن 110 مىڭ ادام اسكەري قىزمەتكە شاقىرۋ جاسىنا تولادى، 122 مىڭ ادام اسكەردە قىزمەت ەتەدى.
ارميادا 712 تانك، 1941 بتر جانە ب م پ، 68 ءوزى جۇرەتىن قوندىرعى، 269 بىرلىك سۇيرەلمەلى ارتيللەريا، 110 دۇركىندەتىپ اتاتىن رەاكتيۆتىك جۇيەلەر، 63 ۇشاق، ونىڭ ىشىندە 24 توسقاۋىلشى/يسترەبيتەل جانە 18 جۇك ۇشاعى، سونداي-اق 16 تىكۇشاق بار.
تۇركىمەنستاننىڭ قورعانىس بيۋدجەتى 200 ميلليون دوللاردى قۇرايدى. تورتكۇل الەم بويىنشا العاشقى ءۇش ورىنعا ا ق ش، رەسەي جانە قىتاي ورنالاسسا، سوڭعى ءۇش ورىنعا مالي، موزامبيك، سومالي جايعاسقان كورىنەدى.
