ارقالىقتا قازاقى ءداستۇردى بەرىك ۇستاناتىن ەڭ ادەمى كەلىنشەك انىقتالدى

بۇل سايىس جىل سايىن قازاق حالقىنىڭ ادەت-عۇرپىن قۇرمەتتەپ، سالت-ءداستۇرىن بەرىك ۇستانعان، يبالى كەلىندى دارىپتەۋ ماقساتىندا كەلىنشەكتەر اراسىندا وتكىزىلىپ كەلەدى، دەپ حابارلادى وبلىستىق «قوستاناي تاڭى» باسىلىمى.

قالالىق مادەنيەت جانە تىلدەردى دامىتۋ ءبولىمى مەن مادەنيەت سارايى بىرلەسىپ وتكىزگەن تاعىلىمدى شاراعا قاتىسۋشىلار «مەن باقىتتى ايەلمىن»، «ءداستۇردى بىلەسىڭ بە؟»، «ونەرىم -اسىل قازىنام»، «مەرەكەلىك ءتاتتى»، «بەسىك جىرى»، «ادەمى-اۋ» شارتتارى بويىنشا سىنعا ءتۇستى.

بايقاۋعا قالا مەن قاتار قالاعا قاراستى اۋىلداردان دا كەلىنشەكتەر قاتىستى.

قورىتىندىسىندا Ⅲ ورىندى رودينا اۋىلىنان گۇلنار باياحمەتوۆا (4 بالانىڭ اناسى)، Ⅱورىندى كيۋەس قىزمەتكەرى عافۋرا دوسوۆا (5 بالانىڭ اناسى)، 1- ورىندى ۇشتوبە اۋىلىنان گۇلزات نۇرپەيىسوۆا (3 بالانىڭ اناسى) يەلەندى. باس جۇلدەنى تورعاي اگرو-تەحنيكالىق كوللەدجىنىڭ جاس ۇستازى، كاكي كەلىنى ايىم جاراسقان (1 بالانىڭ اناسى) جەڭىپ الدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى