ماڭعىستاۋدا مەكتەپ وقۋشىلارى كاسىپتىك بىلىمگە بەت بۇردى - فوتو

اتالعان جوبا اياسىندا اقتاۋ قالاسى №23 مەكتەپتىڭ 9-11 -سىنىپ وقۋشىلارى «كاسپي» زاۋىتىنا باردى. ماماندار بالالارعا تەڭىزدەن ساپالى اۋىز سۋ دايىنداۋ ءادىسى جايلى ايتىپ بەردى.

«زاۋىت تاۋلىگىنە 10 مىڭ تەكشە مەتر سۋ تازارتادى. بۇل ساپالى سۋمەن مۇنايلى اۋدانىنىڭ اتامەكەن، باتىر، قاراقيان اۋدانىنىڭ قۇرىق كەنتتەرىن ساپالى اۋىز سۋمەن قامتاماسىز ەتۋگە مۇمكىندىك بەرەدى. بۇگىندە وندا 150 مىڭ ادام تۇرادى. زاۋىتتا تەڭىز سۋىن تۇشىلاندىرۋدىڭ ەكولوگيالىق تازا، ەكونوميكالىق ءتيىمدى ءتاسىلى پايدالانىلادى. مۇنى بايقوڭىردىڭ وربيتالدىق عارىش ستانسالارىندا، عارىش الاڭدارىندا پايدالانادى. ارنايى قوندىرعىدا سۋدى راديواكتيۆتى زاتتاردان، ۆيرۋس، باكتەريالاردان تازالايدى. بۇل رەتتە ول قۇرامىندا تابيعي تۇزدارى مەن مينەرالدارىن ساقتايدى. زاۋىتتى سالعان كەزدە ەڭ زاماناۋي، رەسەيلىك تەحنولوگيالار قولدانىلدى»، - دەدى زاۋىت ديرەكتورى ۆلاديمير مۋراشكو.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى