اقتاۋدا ءجۇز پاتەرلى ءۇي پايدالانۋعا بەرىلدى - فوتو

100 پاتەرلى ءۇي بۇزىلعان اپاتتى ءۇيدىڭ ورنىنا سالىندى. ماڭعىستاۋ وبلىسىنىڭ اكىمى اليك ايداربايەۆ جاڭا پاتەر كىلتىن وسى ءۇشىنشى شاعىن اۋدانداعى №№ 12, 13, 15, 16, 17 اپاتتى ۇيلەردىڭ تۇرعىندارىنا بەردى. قۇرىلىس وتكەن جىلى باستالعان. جەرگىلىكتى اتقارۋشى ورگان جەر ءبولىپ، قاجەتتى ينفراقۇرىلىم جۇرگىزىلدى.

«بۇگىنگە دەيىن اپاتتى ۇيلەر وزەكتى پروبلەما بولىپ كەلدى. 15 اپاتتى ءۇيدىڭ 237 پاتەرىندە 500 گە جۋىق ادام تۇردى. 2014 -جىلى «اقتاۋ ق. اپاتتى ۇيلەردى بۇزۋ بويىنشا» وڭىرلىك باعدارلاماسى ىسكە قوسىلدى. ولاردىڭ ورنىنا جاڭا ءۇي سالىنىپ، ينجەنەرلىك كوممۋنيكاتسيا جاڭارتىلۋدا. كىرەبەرىس جولدار، بالالار الاڭى، اۆتوتۇراق سالىنۋدا. بۇگىن 200 دەن استام وتباسى باسپانالى بولدى. ءبىزدىڭ پروبلەمالاردى شەشۋ تەتىگىمىزدى باسقا وبلىستار مەن قالالار دا قولدانۋدا»، - دەدى وبلىس اكىمى.

100 پاتەردىڭ 70 ى اپاتتى ءۇي تۇرعىندارىنا بەرىلدى. 50 جاستاعى تۇرسىن دوسپايەۆا №13 اپاتتى ۇيدە تۇرعان. بۇگىن جاڭا ءۇيدىڭ كىلتىن الىپ، قونىس تويىن تويلاۋدا.

«ءبىزدىڭ بۇرىنعى ءۇي قالانىڭ العاشقى سالىنعان قۇرىلىستارىنىڭ ءبىرى ەدى. توزدى. ەندى بۇگىن قونىس تويىن تويلاۋدامىز. ءوز ءۇيىمنىڭ ورنىنا سالىنعانىنا قۋانىشتىمىن. پاتەر دە وزىمە جايلى 1-قاباتتان بەرىلدى»، - دەدى ول.

    

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى