ق ر سىرتقى ىستەر ءمينسترى قازاقستاندىق ديپلوماتيانى دامىتۋداعى ايەلدەردىڭ ۇلەسىن اتاپ ءوتتى
«8 ناۋرىز ەلىمىزدەگى ەڭ جارقىن دا شۋاقتى مەرەكەلەردىڭ ءبىرى. بۇل كۇنى ءبىز اسا جىلىلىق جانە سۇيىسپەنشىلىك سەزىمدەرىمەن ءبىزدىڭ ايەلدەرگە جانە وتباسىنىڭ تىرەگى جانە بولاشاق ۇرپاقتاردىڭ تاربيەشىسى - انالارىمىزعا قۇرمەت كورسەتەمىز. سىزدەر ءبىزدى ۇلى ىستەرگە جىگەرلەندىرە تۇسەسىزدەر»، - دەگەن ە. ىدىرىسوۆ ولارعا دەگەن ىزگى تىلەكتەرىن ايتتى.
«ديپلوماتيالىق قىزمەتتە تە ايەلدەر ءوز ارىپتەستەرى ەرلەرمەن بىرگە لايىقتى قىزمەت ەتۋدە. ەلىمىز تاۋەلسىزدىگىنىڭ 25 جىلى ىشىندە ديپلومات- ايەلدەر كوپتەگەن تابىستارعا جەتتى. اتاپ ايتقاندا، ءبىزدىڭ قۇرمەتتى ارداگەرىمىز اقمارال ارىستانبەكوۆانى اتاپ وتۋگە بولادى، ول تاۋەلسىزدىكتىڭ العاشقى كۇندەرىنەن قازاقستاننىڭ ب ۇ ۇ- داعى وكىلى بولدى، سونداي-اق جىگەرلى ءبىرعانىم ءايتىموۆا قازاقستاننىڭ يتالياداعى، يزرايلدەگى، كۋباداعى ەلشىسى، ب ۇ ۇ جانىنداعى قازاقستاننىڭ تۇراقتى وكىلى قىزمەتتەرىندە قازاقستاننىڭ مۇددەلەرىن العا جىلجىتۋعا زور ۇلەس قوستى. بۇگىنگى كۇنى دە ول ق ر پارلامەنتى سەناتىنىڭ حالىقارالىق قاتىناستار كوميتەتىندە جوعارى قىزمەت اتقارىپ ءجۇر. ماينۋرا مىرزاماديەۆا قازاقستاننىڭ نيدەرلاندىداعى ەلشىسى جانە حيميالىق قارۋلارعا تىيىم سالۋ جونىندەگى ۇيىم جانىنداعى تۇراقتى وكىل قىزمەتىن قوسا اتقارىپ ءجۇر. ە ق ى ۇ- نىڭ ادام ساۋداسىمەن كۇرەس جونىندەگى ارنايى وكىلى ءمادينا جاربوسىنوۆانى اتاپ وتكەن ءجون. ە ق ى ۇ- دا ءبىزدىڭ وتانداسىمىز تۇڭعىش رەت وسىنداي جوعارى لاۋازىم اتقارىپ وتىر»، - دەدى ە. ىدىرىسوۆ.
بۇگىنگى كۇنى مينيسترلىكتىڭ ورتالىق اپپاراتىندا 130 ايەل جۇمىس جاساپ ءجۇر، ولار بارلىق قىزمەتكەرلەردىڭ 34 پايىزىن قۇرايدى. نازىك جاندى ارىپتەستەرىمىز باسشىلىق قىزمەتتەردە دە وزدەرىنىڭ قاجىرلى قابىلەت-قارىمىن كورسەتۋدە.
