ءانشى ءالي وقاپوۆ وزىنە قانداي قىزدار ۇنايتىنىن ايتتى

«8 -ناۋرىز - بۇل ءبىرىنشى كەزەكتە كوكتەم مەرەكەسى. ونى اتاپ وتپەۋ مۇمكىن ەمەس. بۇل كۇندەرى قالا قاربالاس تىرشىلىككە كوشەدى، دۇكەندەردە كەزەك كوبەيەدى. ال ەرلەر بولسا، سوڭعى مينۋتتاردا جانتالاسادى. مەن مەرەكەدە بارلىعىن بىردەي قۇتتىقتاۋ ادەتىمدە جوق. وزىمە ەڭ جاقىن ادامداردى عانا قۇتتىقتايمىن. ەڭ ءبىرىنشى، ارينە، انامدى، سوسىن پەداگوگتار مەن وقىتۋشىلارىمدى...»، - دەدى ول.

«وسى جولى بىزدە ەرەكشە كۇن. 8 -ناۋرىزدى ساحنادا وتكىزەمىز. ءمادي ەكەۋمىز ەرەكشە سىيلىق جاساپ ۇلگەرەمىز بە، جوق پا، بىلمەيمىن. ءداستۇرلى تۇردە گۇل سىيلايمىز. بۇرىن قولدان سۋرەت سالىپ، اشىق حات جاساعاندى جاقسى كورەتىنبىز. قازىر ەرجەتتىك. مۇنداي سىيلىق ەندى ىڭعايسىز»، - دەپ قوستى ءا. وقاپوۆ.

بۇدان باسقا، وتاندىق ەسترادا جۇلدىزى نازىك جاندىلاردىڭ قانداي قاسيەتىن ەرەكشە باعالايتىنىن ايتىپ ءوتتى.

ءاليدىڭ ايتۋىنشا، ايەل زاتى تاربيەلى، مادەنيەتتى، جوعارى پاراسات يەسى ءارى ءازىلدى تۇسىنە بىلەتىن بولعانى ماڭىزدى. ءازىلدىڭ، ءانشىنىڭ ايتۋىنشا، جاقسى ساتتەردە دە، قيىن ساتتەردە كومەگى مول.

ءسوز سوڭىندا جاس ءانشى ايەلدەر قاۋىمىن كەلە جاتقان مەرەكەلەرىمەن قۇتتىقتادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى