استانادا تەك وتاندىق ازىق- تۇلىك ونىمدەرىن ساتاتىن العاشقى دۇكەن اشىلدى - فوتو
الداعى ۋاقىتتا قازاقستاننىڭ بارلىق ايماقتارىندا بۇنداي 22 دۇكەن اشۋ جوسپارلانۋدا.
قازاقستان ساۋدا كاسىپورىندارى قاۋىمداستىعىنىڭ ۆيسە- پرەزيدەنتى جىبەك اجىبايەۆانىڭ ايتۋىنشا، دۇكەندەگى ازىق تۇلىك تاۋارلارىنىڭ ۇستەمە باعاسى 15 پايىزدان اسپايدى. ال «حالىق ماركاسى» جوباسىنىڭ جەتەكشىسى ريمما تاجىبايەۆانىڭ سوزىنە قاراعاندا، دۇكەننەن ەلىمىزدىڭ بارلىق وبلىستارىنىڭ ازىق- تۇلىك تاۋارلارىن تابۋعا بولادى.
«دۇكەننەن قازاقستاننىڭ بارلىق اۋماقتارىنان، وڭتۇستىك قازاقستاننان باستاپ ماڭعىستاۋعا دەيىنگى بارلىق وڭىرلەرىنەن اكەلىنگەن ازىق تۇرلەرى بار. ءۇش جۇزدەن استام وتاندىق تاۋار برەندتەرىنىڭ 2 مىڭنان استام اتالىمى قويىلعان. تۇتاستاي العاندا، بۇلار ءاربىر وڭىردە حالىقتىڭ اراسىندا تانىمال بولعان سۇيىكتى تاۋار ماركالارى. قازاقستانداعى ءبىرىنشى دۇكەن استانادا اشىلعاندىقتان «استانا حالىق ماركاسى» دەپ اتالىپ وتىر. ءبىز رەسپۋبليكا بويىنشا بارلىق وڭىرلەردەن دۇكەندەر جەلىسىن اشپاقشىمىز. سوندىقتان دا، 22 وڭىردەگى دۇكەندەردىڭ ءارقايسىسىندا ءوز اتاۋى بولادى» ، - دەدى «حالىق ماركاسى» جوباسىنىڭ جەتەكشىسى ريمما تاجىبايەۆا.
ايتا كەتەيىك، تۇڭعىش وتاندىق ازىق- تۇلىك دۇكەنى استانا قالاسىندا قوشقاربايەۆ كوشەسىندە (قوشقاربايەۆ كوشەسى 41) ورنالاسقان. ەسكە سالساق، بىلتىرعى جىلى استانادا قازاقستاندىق جەڭىل ونەركاسىپ تاۋارلارىنىڭ امبەباپ دۇكەنى اشىلعان بولاتىن.
