انكارادا ءاليحان بوكەيحاندى ەسكە الۋعا ارنالعان عىلىمي كونفەرەنتسيا ءوتتى - فوتو
پۋبليتسيست ءاليحان بوكەيحاننىڭ يۋنەسكو كولەمىندە اتاپ وتەتىن 150 جىلدىق مەرەيتويىنا ارنالعان «الاشتىڭ ءاليحانى» اتتى حالىقارالىق كونفەرەنسيا ءوتتى.
تۇركى اكادەمياسى حالىقارالىق ۇيىمى گازي ۋنيۆەرسيتەتى، تۇركيانىڭ يۋنەسكو ىستەرى جونىندەگى ۇلتتىق كوميسسياسى جانە ق. ا. ياساۋي اتىنداعى حالىقارالىق قازاق- تۇرىك ۋنيۆەرسيتەتىنىڭ قولداۋىمەن ۇيىمداستىرعان ايتۋلى جيىنعا قازاقستان مەن تۇركيانىڭ مەملەكەت جانە قوعام قايراتكەرلەرى، تۇركى الەمىنىڭ كورنەكتى شىعىستانۋشى عالىمدارى مەن حالىقارالىق ۇيىم جەتەكشىلەرى قاتىستى.
كونفەرەنسيانىڭ اشىلۋ سالتاناتىن تۇركولوگيا زەرتتەۋ ورتالىعىنىڭ باسشىسى حۇليا كاساپوعلۇ، گازي ۋنيۆەرسيتەتى رەكتورىنىڭ ورىنباسارى سەرۆەت كاراباعى، ق. ا. ياساۋي اتىنداعى حقتۋ وكىلەتتى كەڭەس ءتوراعاسى مۇسا يىلدىز جانە تۇركى اكادەمياسىنىڭ پرەزيدەنتى دارحان قىدىرالى قۇتتىقتاۋ سوزدەرىمەن اشتى.
تۇركى اكادەمياسى حالىقارالىق ۇيىمىنىڭ باسپا ءسوز قىزمەتىنەن حابارلاعانداي، قازاقستان، تۇركيا، قىرعىزستاننان كەلگەن عالىمدار جالپى 3 سەكسيا بويىنشا ءاليحان بوكەيحان جانە تۇركى الەمىنە قاتىستى باياندامالار وقيدى دەپ كۇتىلۋدە.
