ساتۋشىسى جوق دۇكەن اشىلدى

بۇل تۋرالى Associated Press اگەنتتىگى حابارلايدى.

روبەرتتىڭ باسىنا وسىنداي دۇكەن اشۋ تۋرالى وي، ول بالاسىنا ءتۇن ىشىندە تاماق ساتىپ الا الماعاندا كەلىپتى. ويتكەنى ماڭايداعى دۇكەندەر جابىلىپ قالعان، ال ەڭ جاقىن سۋپەرماركەتكە بارۋعا 20 مينۋت ۋاقىت كەرەك ەكەن.

قاڭتاردا يلياسون تاۋلىك بويى ىستەيتىن ءوزىنىڭ ازىق-تۇلىك جانە جاس بالالارعا قاجەتتى تاۋارلار ساتاتىن دۇكەنىن اشقان. دۇكەنگە تەك ۇيالى تەلەفونداعى قوسىمشا ارقىلى كىرۋگە بولادى. پايدالانۋشىلار تاۋارلاردىڭ شتريح-كودتارىن قوسىمشا ارقىلى سكانەرلەرەي وتىرىپ ساۋدا جاسايدى. ساتىپ الۋشىعا ەسەپتەسۋ قاعازى ايدىڭ سوڭىندا ءبىر رەت قانا جىبەرىلەدى. دۇكەندە ءدارى-دارمەك پەن تەمەكى ساتىلمايدى، سونداي-اق شۆەتسيادا ازىق-تۇلىك دۇكەنىندە ىشىمدىك ساتۋعا تىيىم سالىنعان.

دۇكەننىڭ اۋماعى - شامامەن 45 شارشى مەتر. وندا التى بەينەباقىلاۋ كامەراسى ورناتىلعان. ەگەر ەسىكتى بىرەۋ سەگىز سەكۋندتان ارتىق اشىپ تۇرسا، نەمەسە ونى بۇزۋعا ارەكەتتەنسە دۇكەن يەسىنە SMS حابارلاما كەلەدى. «مەن جاقىن جەردە تۇرامىن، بىردەڭە بولا قالسا قىسقا سۇيمەندى الىپ جەتىپ كەلەمىن»، - دەپ كۇلەدى ول. ازىرگە ونداي وقيعا بولماعان ەكەن.

روبەرت يلياسون ءوز باستاماسىن كەنتتەر مەن شاعىن قالاشىقتارعا تاراتۋدى ويلاپ وتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى