عالىمدار جاقىن ۋاقىتتا وبىردى ءبىر ەكپەمەن-اق ەمدەۋگە قول جەتكىزەتىنىن مالىمدەدى
بريتاندىق عالىمدار ادامنىڭ يممۋندىق جۇيەسى وبىر ىسىكتەرىمەن ءتيىمدى كۇرەسەتىن جاڭا ءتاسىل تاپقاندارىنا سەنىمدى.
ونىڭ قۇپياسى ءار ىسىكتىڭ ەڭ ءالسىز تۇسىن تابۋدا بولىپ وتىر. ياعني، سول وسال جەرىنە يممۋندىق جۇيەنى باعىتتايدى.
تەراپيانىڭ بۇل ءتۇرى تۋرالى بۇدان بۇرىن ايتىلعان بولاتىن. لوندون ۋنيۆەرسيتەت كوللەدجىنىڭ عالىمدارى بۇل جايلى ەندى عانا جاريالاپ وتىر. ولار وبىر قۇرىلىمىنداعى «ءالسىز» ۋچاسكەلەردى بىرىزدەندىرۋ تەتىكتەرىن تاپقان.
جاڭالىق وبىردىڭ ءار جاعدايىنا جەكە ءتاسىلدى قاراستىرادى، ءار وبىردىڭ جاسۋشاسىن زەرتتەۋ قاجەت. بۇل پراكتيكادا وتە قىمبات. الايدا قازىرگى ساتتە، عالىمدار بۇل سوڭعى جىلدارداعى وسى سالاداعى ەڭ سەنىمدى ناتيجە ەكەنىن مالىمدەدى.
عالىمدار كلينيكالىق سىناقتى تاياۋ ەكى جىلدا جۇرگىزىپ كورمەك.
