اقان ساتايەۆ نازاربايەۆتىڭ «اناعا اپارار جول» فيلمىنەن قانداي اسەر العانىن ايتىپ بەردى

ايتا كەتەيىك، 1 -ناۋرىزدا استانادا العىس ايتۋ كۇنىنە وراي وسى فيلمنىڭ كورسەتىلىمى ءوتتى، - دەپ حابارلايدى Tengrinews.kz ءتىلشىسى.

«مەملەكەت باسشىسى كارتينا جۇمىسىنا ماقتاۋ ايتتى. ول فيلمنىڭ ءتۇسىرىلىم جۇمىستارىنا قىزىعۋشىلىق تانىتتى. بىزگە ساتتىلىك تىلەدى»، - دەدى رەجيسسەر.

«پرەزيدەنت بارلىق جاعدايعا ءتۇرلى جاعىنان قارايدى، ول الدەقايدا كوپ اقپارات بىلەدى، ساياسي، ەكونوميكالىق پروتسەستەردەن حاباردار. ول سولاردىڭ بارلىعىن باسقارادى. جاساعان ەڭبەگىڭ وسىنداي تالاپتاردان شىعىپ جاتسا، بۇل ادامعا ۇلكەن كۇش پەن سەنىم بەرەدى. ياعني، بۇل ساعان ارتىلعان سەنىمنىڭ اقتالعانىن، ەلگە پايداسى تيگەنىن كورسەتەدى. مەنىڭ ويىمشا، ءاربىر ادام مەملەكەتىمىزدىڭ دامۋىنا ءوز ۇلەسىن قوسۋى كەرەك»، - دەدى رەجيسسەر.

«اناعا اپارار جول» كارتيناسى ومىردە ءتۇرلى قيىندىقتى باسىنان وتكەرگەن ادام جايىندا. ول جاستايىنان ۇيىنەن كەتىپ، سوعىستى، تۇتقىندارعا ارنالعان لاگەردى كورەدى، ءتۇرلى قيىندىقتارعا تاپ بولادى. وسى جىلدار ىشىندە ول ۇيىنە، اناسىنا ورالىپ، ۇلىن كورەم دەگەن ءۇمىتىن جوعالتپايدى. سيۋجەت ۇجىمداستىرۋ، حالىققا قايعى اكەلگەن جۇتتى، ۇلى وتان سوعىسى مەن سوعىستان كەيىنگى قازاقستاننىڭ قيىن كەزەڭدەرىن قامتيدى.

تاريحي كارتينانىڭ سوڭعى كادرلارى الماتى وبلىسىنداعى «شامالعان» بەكەتىندە ءتۇسىرىلدى. ايتا كەتەيىك، جەڭىستىڭ 70 جىلدىعىنا ارنالعان لەنتانىڭ ءتۇسىرىلىم جۇمىستارى قازاقستاندا، بەلارۋستە جانە ءازىربايجاندا ءوتتى. باكۋ مەن مينسكتە كارتينانىڭ نەگىزگى ۇرىس ەپيزودتارى، سونىڭ ىشىندە «دنەپردى الۋ» كورىنىسى ءتۇسىرىلدى.

انانىڭ ءرولىن تەاتر جانە كينو اكتريساسى التىناي نوگەربەك سومدادى. سونىمەن قاتار، كارتينادا باستى رولدەردە ءادىل احمەتوۆ («قارا شاڭىراق»)، ارۋجان جازىلبەكوۆا («وگرابلەنيە پو- كازاحسكي») جانە ەركەبۇلان دايىروۆ («باۋىرجان مومىش ۇلى») سياقتى ارتىستەر وينادى. «ورالۋ» كارتيناسىنىڭ سەناريىن تيمۋر جاقسىلىقوۆ جازدى، مۋزىكالىق جۇمىسپەن بەلگىلى كومپوزيتور رەنات گايسين اينالىستى. اقان ساتايەۆتىڭ بۇل ءفيلمى پروكاتقا 2015 -جىلدىڭ جەلتوقسانىندا، تاۋەلسىزدىك كۇنى قارساڭىندا شىعادى. «ورالۋ» ءفيلمى «قازاق فيلم» كينوستۋدياسىنىڭ Satai Film مەن «نوۆىي مير پروداكشن» ستۋديالارىمەن بىرگە جاساعان جوباسى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى