الماتىداعى «كوكتوبە» اشىلدى - فوتو
ەسكە سالا كەتەيىك، اسپالى جولدىڭ اشىلۋ مەرزىمى بىرنەشە رەت كەيىنگە قالدىرىلعان بولاتىن. سونىمەن قاتار، بۇگىن جان- جاقتى كورۋگە ارنالعان اينالمالى دوڭگەلەك (كولەسو وبوزرەنيا) ىسكە قوسىلدى.
اسپالى جولمەن ءجۇرۋ اقىسى بۇرىنعىداي - ەكى جاققا 2000 تەڭگە. ال جاڭا اتتراكسيونعا قاتىستى ايتاتىن بولساق، ونىڭ بيلەتى 1000 تەڭگە تۇرادى. ايتا كەتەيىك، اسپالى جولدىڭ اشىلۋىنا الماتى اكىمى باۋىرجان بايبەك كەلدى.
اسپالى جولدىڭ ۇزىندىعى - 1620,3 مەتر، ۇستىنگى جانە تومەنگى ستانسيالار بيىكتىگىنىڭ ايىرماسى - 250 مەتر. اسپالى جولمەن ءجۇرۋ جىلدامدىعى سەكۋندىنا 0,5 تەن 6 مەترگە دەيىن جەتەدى. بارلىعى 17 كابينا جۇرەدى، ولاردىڭ ءارقايسىسىنا 8 ادامنان سىيادى. ءبىر ساعاتتا 750 ادامدى تاسىمالداۋعا بولادى.
بۇعان دەيىن كوكتوبەگە اپاراتىن اسپالى جولدىڭ جوندەۋگە جابىلعانى حابارلانعان بولاتىن. كوكتوبەدەگى اسپالى جول سوڭعى رەت ون جىل بۇرىن جاڭارتىلعان. كوكتوبە ساياباعى باسشىلارىنىڭ ايتۋىنشا، ول تەحنيكالىق تالاپتارعا جاۋاپ بەرگەنىمەن ەسكىردى دەپ سانالادى.
كوكتوبەگە دەيىنگى اسپالى جول قۇرىلعىلارىنىڭ بارلىعى فرانسيادان اكەلىنگەنى بەلگىلى. باستاپقىدا اسپالى جول 2015 -جىلدىڭ ماۋسىمىندا پايدالانۋعا بەرىلەدى دەپ حابارلاندى، الايدا كەيىن ونىڭ شىلدەدە اشىلاتىنى بەلگىلى بولدى. كەيىن بۇل مەرزىمنىڭ شەگەرىلۋىنە توپىراقتىڭ جۇمساق بولۋى سەپ ەكەنى انىقتالدى، ونى نىعايتۋ ءۇشىن ءبىرقاتار ۋاقىت كەتتى. كەيىن ونىڭ اشىلۋ مەرزىمى 2016 -جىلدىڭ جازىنا قالدىرىلعانى حابارلانىپ، كەيىن ناۋرىزعا قاراي اشىلاتىنى ايتىلدى. وسىدان كەيىن قازيەۆ كابينالاردىڭ رەسمي تۇردە 2016 -جىلى 4 -ناۋرىزدا ىسكە قوسىلاتىنىن مالىمدەدى.
