نازاربايەۆ ايتقان ءتامسىل ايەلدەردىڭ كوزىنە جاس الدىردى

"جاس بالا ءبىر بويجەتكەنگە عاشىق بولىپتى. قۇداي سونداي حيميانى جىبەرەدى عوي، كوزىڭدى سوقىر ەتىپ، سودان ەشتەڭەنى دە كورمەيسىڭ. جىگىت سونداي بولىپتى، قىز دا ادەمى، جاقسى بولىپتى، ءبىراق تالاپشىل ەكەن. سول كەزدە ول جىگىتتىڭ سۇيەتىنىن دالەلدەۋىن تالاپ ەتىپ، اناسىنىڭ جۇرەگىن الىپ كەلىپ بەر دەگەن ەكەن. سوندا عانا سەنەمىن دەپتى. ول تاڭعالىپتى. ءسويتىپ، ۇيىندە مۇڭدى بولىپ وتىرسا، ودان اناسى نە بولعانىن سۇراپتى. بالاسىنىڭ كۇيزەلىپ وتىرعانىن كورگەن اناسى دالادا سەرۋەندەپ كەلۋگە ۇسىنىس جاسايدى. اناسى "سونشالىقتى وسىنداي قىزعا قالاي عانا قاشىق بولىپ قالدىڭ ەكەن؟" دەپ سۇرايدى. بالاسى ءۇن قاتپايدى. سول كەزدە اناسى جۇرەگىن الىپ، بالاسىنا بەرىپتى. سول كەزدە بالاسى اناسىنىڭ سوعىپ تۇرعان جۇرەگىن الاقانىنا الىپ، قىزعا قاراي بەت الىپتى. كەنەت ءسۇرىنىپ، قۇلاپتى. سول كەزدە اناسىنىڭ جۇرەگى "تىزەڭدى جارالاپ المادىڭ با؟ اۋىرمادى ما؟" دەپ سۇراپتى دا، سول بەتتە سوقپاي قالىپتى. سول كەزدە ول ءتۇسىنىپ، جۇرەكتى الىپ، اناسىنا قايتا اپارىپ بەرەدى. اناسى ءتىرىلىپ كەتەدى. سوندا عانا بالاسى كىمدى جوعالتىپ الا جازداعانىن ءتۇسىنىپتى. ول ءوزىن قاتتى جاقسى كورەتىن جۇرەكتى جوعالتىپ الار ەدى"، - دەپ اڭگىمەلەدى پرەزيدەنت.

كەزدەسۋگە مەملەكەتتىك حاتشى، پرەزيدەنتى جانىنداعى ايەلدەر ءىسى جانە وتباسىلىق- دەموگرافيالىق ساياسات جونىندەگى ۇلتتىق كوميسسيا ءتورايىمى گ. ءابدىقالىقوۆا، پارلامەنت سەناتىنىڭ دەپۋتاتى ب. ءايتىموۆا، ەكونوميكالىق ينتەگراتسيا ءمينيسترى ج. ايتجانوۆا، "استانا ەكسپو-2017" ۇ ك" ا ق باسقارۋشى ديرەكتورى م. ەگىمبايەۆا، شارۋا قوجالىعىنىڭ باسشىسى ت. قۇشمانوۆا، پەدياتريا جانە بالالار حيرۋرگياسى عىلىمي ورتالىعىنىڭ ديرەكتورى ر. بورانبايەۆا، "قازاق ويۋلارى" ج ش س ديرەكتورى ت. ەلەكبايەۆا، جيھاز فابريكاسىنىڭ باسشىسى ە. ليەۆينا، قاراعاندى وبلىسىنداعى "مۇراگەر" مامانداندىرىلعان مەكتەپ- ينتەرناتىنىڭ ديرەكتورى م. نۇرماعانبەتوۆا، "قازاق قىزى" قوعامدىق بىرلەستىگىنىڭ ءتورايىمى ق. ابدەن، ءانشى ت. جانقۇل، "دەلوۆوي مير استانا" جشس ديرەكتورى، باس رەداكتورى ش. سىزدىقوۆا، اقىن ا. داۋلەتبايەۆا، كوپبالالى انا ج. بايجولدينوۆا، "استانا وپەرا" تەاترىنىڭ ءسوليسى ج. عابدۋللينا، "استانا بالەت" تەاترىنىڭ باس رەجيسسەرى م. ابۋباحريەۆا، بيولوگ عالىم د. قانايەۆا، اۋىلدىق وكرۋگ اكىمى پ. ورالبايەۆا، "وتىرار سازى" مەملەكەتتىك اكادەميالىق فولكلورلىق- ەتنوگرافيالىق وركەسترىنىڭ باس ديريجەرى، اكتريسا د. تىلەندييەۆا، زىمىراندى ارتيللەريالىق كەمە اسكەري ءبولىمىنىڭ راديو بايلانىسشىسى ج. ىبىرايەۆا، اقتوبە فەرروقورىتپا زاۋىتىنىڭ جوندەۋ- مەحانيكا سەحىنىڭ تەمىر كەسۋشىسى ا. كەنەسارينا، قوستاناي وبلىسى، سارىكول اۋدانىنداعى "جاستار باستاماسى ورتالىعىنىڭ" باسشىسى ە. دانيلوۆا، اۋىر اتلەتيكادان ق ر ەڭبەك سىڭىرگەن شەبەرى ج. جاپپارقۇل، اكتريسا د. باقتىبايەۆا، ستۋدەنت ل. ميتروحينا قاتىستى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى