گوبي شولىنە بەتتەگەن مىڭ تۇيە

ۇيىمداستىرۋشىلار وسى ارقىلى گيننەستىڭ تاعى ءبىر رەكوردىن جاڭارتۋعا بەل بۋدى.

جالپى، موڭعوليانىڭ ۋمنۋگوۆ ايماعىنداعى دالانزادگاد سۇمىنىندا جىل سايىن تۇيە مەرەكەسى ءوتىپ تۇرادى. دالانزادگاد قالاسى گوبي ءشولىنىڭ شىعىس جاعىنداعى گۋرۆان- سايحان- ۋۋل تاۋلارىنىڭ ەتەگىندە ورنالاسقان. ول ەلدىڭ استاناسى - ۋلان- باتوردان 540 شاقىرىم قاشىقتىقتا. ال بيىلعى جىلى مۇندا شارانىڭ اۋقىمى بارىنشا كەڭەيتىلىپ، قىسقى مەرەكە «موڭعول تۇيەسى-999» دەپ اتالدى.

ۇيىمداستىرۋشىلار موڭعولدىڭ قوس وركەشتى تۇيەسىنىڭ داڭقىن اسىرۋ ماقساتىندا بۇل جولى بايگەگە مىڭ تۇيە جيناپ قاتىستىرىپ، الەم رەكوردىنا وزگەرىس ەنگىزبەكشى. رەتتىك سانى بويىنشا بيىل 19- رەت وتكىزىلەتىن قىسقى فەستيۆالدىڭ تىزگىنىن «تۋمەن تەمەە» تۇيەمەن ساياحات جاساۋ اسسوتسياتسياسى قولعا الدى.

مەرەكە باعدارلاماسىنا ءارتۇرلى قىزىقتى شارالار ەنگىزىلگەن. وندا، مىسالى، تۇيە ۇستىندەگى پولو ويىنى، شۇباتتان جاسالعان ساپالى ونىمدەر جارمەڭكەسى، سونداي- اق، تۇيە جۇنىنەن جاسالعان بۇيىمدار كورمەسى ورىن الادى.

دامير قوجامقۇل.

«ەگەمەن قازاقستان» 

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى