دەنساۋلىق: دۇرىس تاماقتانۋدىڭ ەرەجەلەرى
ارينە، قاتاڭ ديەتا ۇستانۋ، تەك ءتۇرلى دارۋمەندەرگە باي ازىق- تۇلىكتەردى تاماققا پايدالانۋ كەز كەلگەن ادام ءۇشىن وڭاي، قولجەتىمدى بولماۋى مۇمكىن. دەگەنمەن، ەرىك- جىگەر مەن توزىمدىلىك قاجەت ناتيجەگە جەتكىزەتىنىن ءبارىمىز بىلەمىز. تومەندە ءبىز ۇسىنعان ءبىراز كەڭەستەر پايداڭىزعا جارار دەگەن ۇمىتتەمىز.
ءبىر ستاقان (نەمەسە 2) سۋدى ءاربىر تاماقتانۋ الدىندا ءىشۋ. سۋدىڭ كۇندىك مولشەرى 1,5-2 ل (مۇنىڭ ىشىنە قالاۋىڭىزعا قاراي قانتسىز كوك شايدى قوسۋعا بولادى). سۋ اشتىق سەزىمىن قاداعالاپ، زات الماسۋدى رەتكە كەلتىرەدى. قاجەتتى مولشەردە سۋ ءىشىپ ءجۇرۋ ارىقتاۋعا ءوز سەپتىگىن تيگىزەدى. كۇنىنە 1,5 ليتر سۋ ءىشۋ ءسىز ءۇشىن تۇراقتى ەرەجە بولسىن. بۇل مولشەرگە شاي مەن ءتۇرلى شىرىنداردى قوسپاڭىز. ادامنىڭ دەنەسىنىڭ 55-70 پايىزى سۋدان تۇراتىنىن ەسەپتەسەك، ول بارلىق الماسۋ، قىشقىلدانۋ، تەرمو رەتتەۋ جانە باسقا دا پروتسەستەرگە قاتىسادى. فيزيكالىق جاتتىعۋلار، ىستىق كەزدە نەمەسە اۋىرعاندا ادام اعزاسىنا ودان دا كوپ سۋ قاجەت.
زياندى/كاللورياسى كوپ تاعامدى تۇسكى ساعات 12-گە دەيىن جەۋگە بولادى.
راتسيونداعى بارلىق گارنير ءتۇرىن كوكونىسكە الماستىرۋ قاجەت.
شۇجىقتار، سوسيسكالار، ت. س. س. باس تارتىڭىز. بۇل تاعامداردىڭ تەك دەنە بىتىمىڭىزگە عانا ەمەس، دەنساۋلىعىڭىزعا دا بەرەر پايداسى جوق.
تاماقتى 2,5-3 ساعات سايىن از عانا بولىكتەن جەپ تۇرىڭىز.
ۇيقىعا جاتاردان بۇرىنعى تاماقتانۋ ۋاقىتى 3-4 ساعات.
اپتاسىنا ءبىر رەت اشىعۋ كۇنىن جاريالاڭىز (سۇزبە/كوك شاي).
سپورتتىق جاتتىعۋلار. ترەناجەرلىق زال، كارديوجاتتىعۋلار، جاياۋ ءجۇرۋ، باسپالداقپەن بىرنەشە رەت كوتەرىلۋ/ءتۇسۋ.
تاماق تانۋ كەزىندە سۋ ىشپەۋ كەرەك جانە تاماقتانىپ بولعان سوڭ دا 40 مينۋتتاي سۇيىقتىق ىشپەۋ.
20 گرام مايدى كۇندىككە ىشكەن پايدالى (كەۋدە، شاش، تەرى ءۇشىن). ماسەلەن زىعىر مايىنىڭ ءبىر اس قاسىعىن تاڭەرتەڭگىلىك اش قارىنعا ىشۋگە بولادى نەمەسە قازىر پايداسىنا كوپ دەن قويىلىپ جۇرگەن قارا زيرەنى (تمين) ۇسىنىلىمىنا قاراي پايدالانۋ.
تاڭەرتەڭگىلىك اس مىندەتتى تۇردە ءىشىلۋى ءتيىس.
ۇننان جاسالعان تاعامداردى جانە تاتتىلەردى شەكتەۋ نەمەسە مۇلدە جەمەۋ (جەمىس- جيدەكپەن الماستىرۋ).
تاڭەرتەڭ ۇيقىدان ويانعان سوڭ وزىڭىزگە ىڭعايلى كەز كەلگەن جاتتىعۋ ءتۇرىن جاساڭىز. ول قان اينالىمىن جانە زات الماسۋ پروتسەسىن جاقسارتادى.
اسىقپاي شايناڭىز. جالپى تاماقتانۋعا كوبىرەك ۋاقىت ءبولىڭىز. ميعا تويعانىمىز جايلى بەلگى جەتكەنشە، ءبىز تويىپ تا، ارتىق جەپ تە ۇلگەرەمىز. سوندىقتان بارىنشا اقىرىن، اسىقپاي تاماقتانىڭىز. سونداي- اق تاماق جەگەندە تەلەديدار قاراۋ ادەتىنەن ارىلىڭىز. مي فيلمدى تۇسىنۋدەن بوساماي، نە، قانداي مولشەردە جەگەنىڭىزدى بايقامايدى. ارتىق جەپ قويماۋ ءۇشىن اسىڭىزدى كىشكەنتاي تارەلكەگە سالىپ جەۋگە بولادى.
راتسيونىڭىزعا وڭدەلمەگەن ءداندى داقىلداردى قوسۋ ارقىلى سالماقتى قاداعالاي الاسىز. بوتقالار، استىق داندەرىنەن نان، ميۋسلي، قوڭىر كۇرىش سىندى تاعامداردىڭ قۇرامىندا كوپتەگەن دارۋمەندەر مەن پايدالى زاتتار بولادى. اعزاڭىز وسىنداي تاماق ءۇشىن سىزگە ريزا بولىپ، ءىشتىڭ قابىنۋى، ارتىق سالماق، تەرى كەمشىلىكتەرى، اسقورىتۋداعى قيىندىقتاردان امان قالادى.
اقپارات عالامتوردان الىندى.
