قازاقستاندىقتار ايەلدىڭ كۇيەۋىنىڭ تەگىنە وتۋىنە جاپپاي قارسىلىق تانىتتى
بۇل تۋرالى ويىن جۋرناليست Facebook الەۋمەتتىك جەلىسىندەگى پاراقشاسىندا جاريالادى. ول جاپپاي قولداۋعا يە بولدى.
بۇل تۋرالى كوررەسپوندەنت باسىلىمى جازادى.
«ايەلدىڭ فاميلياسى وزىنىكى بولۋ كەرەك» دەگەن تاقىرىپپەن جازىلعان جازبادا اۆتور «قازاقتىڭ ءوز ءتول داستۇرىندە ايەلدى «پالەنشەنىڭ كەلىنى» نەمەسە «پالەنشەنىڭ ايەلى» دەپ اتاۋ قالىپتاسقان. قازاق ايەلدەرى ەشقاشان قايىن اتاسىنىڭ، قايىن اعالارىنىڭ اتىن اتامايدى. ءتىپتى كۇيەۋىنىڭ دە اتىن ايعايلاپ اتاي بەرمەگەن. سوندىقتان كۇيەۋىنىڭ فاميلياسىنا كوشۋ بۇل اتا سالتتى بۇزىپ، قايىن اتالارىنىڭ اتىن اتاۋعا ماجبۇرلەيدى. مىسالى، تۇراروۆ قايىپتىڭ ايەلى ءسابيرا فاميلياسىن تۇراروۆا دەپ كۇيەۋىنىڭ فاميلياسىنا وزگەرتسە، اتى- ءجونىن سۇراعان ورىندارعا تۇراروۆا دەپ فاميلياسىن ايتۋ ارقىلى اتاسىنىڭ اتىن ءمىزباقپاي جاريالاپ تۇرادى.
كەڭەستىك كەزەڭدە، كولحوزداستىرۋ شاعىندا نەكەدەگى ايەلدەر ورىستىق ادەتپەن كۇيەۋىنىڭ فاميلياسىمەن جازىلىپ كەتتى. سول انالارىمىز دارىگەرگە، كاسساعا، رەسمي ورىندارعا بارعاندا قايىناتاسىنىڭ اتىن اتاپ قويماۋى ءۇشىن قاسىنا بالاسىن، قايىن ءسىڭلىسىن، ت. ب. ەرتىپ ءجۇرىپ، فاميلياسىن سولارعا ايتقىزاتىن. وتكەن عاسىردىڭ 70-80 - جىلدارىندا تۇرمىسقا شىققان قىزدار بايىبىنا بارىپ جاتپاستان ءداستۇر سولاي عوي دەپ كۇيەۋىنىڭ تەگىنە كوشە سالاتىن بولدى»، - دەپ جازدى جۋرناليست.
ءتىپتى پوست اۆتورى ءوز ويىنا قاتىستى مۇحاممەد پايعامبەردىڭ سوزىنەن مىسال دا كەلتىرگەن.
«پايعامبارىمىز مۇحاممەد (س. ا. ۋ.) اسىل ءسوزىنىڭ بىرىندە: «كىمدە كىم ءوزىن ءوز اكەسىنە ەمەس، وزگەگە قاتىستى ەتسە... اللانىڭ، پەرىشتەلەردىڭ جانە بۇكىل ادامداردىڭ لاعنەتى سوعان بولسىن»، - دەگەن عوي. وسى حاديس ايەلدەردىڭ فاميلياسىن كۇيەۋىنىڭ فاميلياسىنا اۋىستىرۋدىڭ دۇرىس ەمەس ەكەندىگىن انىق ۇقتىرىپ تۇرعانداي»، - دەپ ويىمەن ءبولىستى مۇرات توقاشبايەۆ.
بۇل جازبا جەلىدە تولىقتاي قولداۋعا يە بولعان. پىكىر جازعانداردىڭ بارلىعى جۋرناليستىڭ ويىمەن كەلىسكەن. ءبىرى «ايتىپ ءجۇرمىز تىڭدايتىن قۇلاق بولسا.. . مەملەكەت ءبىرىڭعاي ءبىرىزدى فاميليادان ارىلتۋعا زاڭ قابىلداۋ كەرەك!» دەپ تە پىكىرىن جازعان.
ال كەلەسى ءبىرى «.. .ۇيات- اي، اتاسىنىڭ اتىن كۇندە مىڭ رەت اتاپ وتىرسا، ول كەلىننىڭ ۇرپاعىنا بەرەر قانداي ونەگەسىن اتاپ ايتا الامىز؟ اركىمنىڭ جەمە- جەمگە كەلگەندە ءوز اكەسىنەن باس تارتۋى- ساتقىندىق ەمەس پە؟ ويلانايىق بولاشاق انالار!!!»، - دەپ كوپشىلىكتى اقىلعا كەلۋگە شاقىرعان.
دەرەككوز: Nur.kz
