ساۋىردە «سامۇرىق- قازىنا» قورىندا جەمقورلىققا قارسى ساراپتاما جۇرگىزىلەدى
بۇل تۋرالى بۇگىن ق ر مەملەكەتتىك قىزمەت ىستەرى مينيسترلىگىنىڭ استانا قالالىق دەپارتامەنتى ادەپ جونىندەگى كەڭەسىنىڭ ءبىرىنشى وتىرىسىندا اتالعان دەپارتامەنت باسشىسىنىڭ ورىنباسارى باۋىرجان جاۋباسوۆ ءمالىم ەتتى.
«جەمقورلىققا قارسى ءىس- قيمىل تۋرالى جاڭا زاڭدا مەملەكەتتىك قىزمەت ىستەرى مينيسترلىگىنە مەملەكەتتىك ورگانداردىڭ، كۆازي مەملەكەتتىك سەكتوردىڭ قىزمەتىندەگى جەمقورلىق تاۋەكەلدەرىنە ساراپتاما جۇرگىزۋ قۇزىرەتى بەرىلگەن. ق ر پرەزيدەنتىنىڭ تاپسىرماسىنا سايكەس مۇنداي ساراپتاما «سامۇرىق- قازىنا» قورىنىڭ بارلىق كومپانيالارىنا، ۇيىمدارىنا، ونىڭ ىشىندە وڭىرلەردەگى بولىمدەرىنە دە جۇرگىزىلەدى. دەگەنمەن، ولاردىڭ باسىم بولىگى استانادا شوعىرلانعان»، - دەدى ول.
ونىڭ اتاپ وتۋىنشە، جەمقورلىق قاۋپىنە قاتىستى ساراپتاما جۇرگىزۋدەگى باستى ماقسات ۇيىمنىڭ نورماتيۆتىك- قۇقىقتىق قىزمەتىنە ساراپتاما جاساي وتىرىپ، قانداي دا ءبىر جەمقورلىق تاۋەكەلدەرگە جول اشاتىن پروبلەمالاردى انىقتاۋ جانە ولاردى جويۋ بولىپ وتىر.
«وسى ماقساتتارعا وراي، جەمقورلىق قاۋپىنە قاتىستى ساراپتاما جۇرگىزىلەتىن بولادى. ول وسى جىلدىڭ ءساۋىر ايىندا وتكىزىلەدى. قازىرگى ۋاقىتتا مۇنداي تەكسەرۋ جۇرگىزىلەتىن قالعان ۇلتتىق كومپانيالاردىڭ ءتىزىمىن انىقتاۋ جۇمىستارى جۇرگىزىلۋدە»، - دەدى ب. جاۋباسوۆ.
ايتا كەتەرلىگى، كەڭەس وتىرىسىندا «جەر ع ءو و» ر م ك- نىڭ استانا قالالىق فيليالى قىزمەتىندەگى سىبايلاس جەمقورلىق تاۋەكەلدەرىن تالداۋ ناتيجەلەرى قارالىپ، ق ر ق م مەملەكەتتىك كىرىستەر دەپارتامەنتىنىڭ استانا قالالىق باسقارماسى باسشىسىنىڭ ورىنباسارى ا. دۇيسەنوۆتىڭ تارتىپتىك ءىسى قارالدى.
اۆتور: مارلان جيەمباي
