قازاقستاندىق كينولوگ- اسكەري قىزمەتشىلەر قىزمەتتىك يتتەردىڭ شەبەرلىگىن كورسەتتى - فوتو
ءتورت اياقتى مينا ىزدەۋشىلەر وزدەرىنىڭ جولباسشىلارىنىڭ جەتەكشىلىك ەتۋىمەن جاتتىقتىرۋدىڭ جالپى ايلا- تاسىلدەرىن ورىندادى، وزدىگىنەن كولىكتە جارىلعىش زاتتاردىڭ زاريادتارىن جانە اسكەرلەردىڭ قوزعالۋى باعدارى مەن جەردەگى مينالاردى انىقتادى، دەپ حابارلادى ق ر قورعانىس مينيسترلىگىنىڭ باسپا ءسوز قىزمەتى.
«بىزدە بەلگيالىق، نەمىس وۆچاركالارى، لابرادور ىسپەتتى ءارتۇرلى تۇقىمدى 7 يت بار. دالالىق سىناما قورىتىندىسى بويىنشا مينا- ىزدەستىرۋ يتتەرىن قولدانۋ جانە قۇرلىق اسكەرلەرىنىڭ قۇرامالارى مەن بولىمدەرىندە مينا- ىزدەستىرۋ قىزمەتىن قۇرۋ تۋرالى شەشىم قارالادى»، - دەپ اتاپ ءوتتى ق ر ق ك قۇرلىق اسكەرلەرى باس قولباسشىسىنىڭ ءبىرىنشى ورىنباسارى - باس شتاب باستىعى گەنەرال- مايور ادىلبەك الدابەرگەنوۆ.
ونىڭ ايتۋىنشا، بۇگىن قازاقستاننىڭ قۇرلىق اسكەرلەرىندە ءدال مينا- ىزدەستىرۋ ماماندىعىنداعى قىزمەتتىك يتتەرگە قاجەتتىلىك تۋىنداۋدا.
بۇل يتتەر مينا- جارۋ قورشاۋلارىن بارلاۋ جانە وندا وتۋلەردى جاساۋ، ەلدى مەكەندەردە، تەمىرجول جانە اۆتوموبيلدى جولداردا وبەكتىلەردى ميناسىزداندىرۋ، جارىلعىش زاتتاردىڭ زاريادتارىنىڭ بولۋىنا وبەكتىلەر مەن كولىكتى تەكسەرۋگە ارنالعان.
كينولوگ اسكەري قىزمەتشىلەردىڭ ايتۋىنشا، يتپەن بايلانىس ورناتۋ اسا ماڭىزدى. «ول كوڭىل- كۇيدى بىردەن سەزەدى، ءارقاشان ادالدىقپەن جاۋاپ بەرەدى. مينا- ىزدەستىرۋ قىزمەتىنە سابىرلى مىنەزدى يتتەر تاڭدالادى. وقىتۋ كەزىندە جارىلعىش قۇرىلعىلاردىڭ ەلەستەتۋ قۇرالدارى، سونداي- اق توماعا كەرەك- جاراعى، ۇزىن شىلبىرلار، ارنايى كيىم قولدانىلادى. ءيتتى دايىنداۋ، دەمالدىرۋ جانە باپتاۋ ەرەجەلەرى مۇقيات ساقتالادى. يتكە بەلگىلى ءبىر تاماقتانۋ راتسيونى تيەسىلى، اي سايىن ارنايى مەديتسينالىق تەكسەرۋ جۇرگىزىلەدى، يتتەرگە ەكپە ەگىلەدى.
«اكيرا ەسىمدى قىزمەتتىك يتپەن مەن ەكى ايلىعىنان باستاپ جۇمىس جاساپ ءجۇرمىن. ەڭ باسىندا جالپى ۇيرەتۋ كۋرستارى بولدى. ودان كەيىن جارىلعىش زاتتاردىڭ بولۋىنا وقىتۋ وتكىزىلدى. ءيتتى ازىق- تۇلىكتى يىسكەپ ءبىلۋ ادىسىمەن وقىتتىم. كەيىننەن بىرتىندەپ ويىنشىقتار، دوپتار ارقىلى ويىن تۇرىنە كوشتىم. ءارى قاراي ءيتتىڭ جۇمىسىن جارىلعىش زاتتاردى الماستىرعىشتارمەن جەتىلدىرە ءتۇستىم»، - دەيدى ينجەنەرلىك- ساپەرلىك پولكتىڭ اسكەري قىزمەتشىسى سەرجانت سارسەنبەك ورازايەۆ.
اتالمىش مينا- ىزدەستىرۋ يتتەرىن دايىنداۋ ەكى جىل بويى ق ر ق ك قۇرلىق اسكەرلەرىنىڭ بىرنەشە بولىمدەرىندە جۇرگىزىلدى. كينولوگتاردىڭ نەمەسە قىزمەتتىك يتتەردىڭ باپكەرلەرى الدىن الا ق ر ق ك اسكەري پوليتسيا، شەكارا قىزمەتى جانە ۇلتتىق ۇلان ورگاندارىنىڭ مامانداندىرىلعان كينولوگيالىق ورتالىقتارىندا بىلىمدەرىن شىڭدادى.
