عالىمدار: ەلەكتروندى تەمەكى شەككەندەر بەدەۋلىككە ۇشىرايدى
عالىمداردىڭ ايتۋىنشا، ەلەكتروندى تەمەكى ادامدى بەدەۋلىككە اپارىپ سوقتىرۋى مۇمكىن، دەپ حابارلايدى informing.ru. سەبەبى وندا لاستانعان اۋانىڭ قۇرامىنداعى ۋلى زاتتاردان الدەقايدا قاۋىپتى حيميكاتتار بولادى. ولاردىڭ اراسىندا دەنساۋلىق ءۇشىن اسا قاۋىپتى حوش ءيىستى گيدروكاربوناتتار مەن فورمالدەگيدتەر بار.
عالىمدار مۇنى انىقتاۋ ءۇشىن ەلەكتروندى تەمەكىنىڭ 13 تۇرىنە تالداۋ جاساعان. ەڭ سوراقىسى، شىلىمنىڭ بۇل تۇرىنەن وبىر تۋدىراتىن كانسەروگەندەر مەن انتيپيرەندەر تابىلىپتى.
وسى عىلىمي زەرتتەۋ ناتيجەسى بەلگىلى بولا سالىسىمەن، عالىمدار قاۋىمى گونكونگ ۇكىمەتىنەن ەلدە ەلەكتروندى تەمەكىنى تارتۋعا تىيىم سالۋدى سۇرادى. ايتا كەتۋ كەرەك، قازىرگى ۋاقىتتا الەمنىڭ 16 ەلىندە وسىنداي زاڭ قابىلدانعان.
