كاسپي ماڭى مەملەكەتتەرى تەڭىزدىڭ مۇنايمەن لاستانۋىنا قارسى بىرلەسە كۇرەسەتىن بولادى
اتالعان كونۆەنتسياعا كاسپي ماڭى مەملەكەتتەرىنىڭ، اتاپ ايتقاندا ازەربايجان، يران يسلام رەسپۋبليكاسى، قازاقستان، رەسەي ۋاكىلەتتى وكىلدەرى 2011-جىلى اقتاۋ قالاسىندا قول قويعان. حاتتامانىڭ ماقساتى كاسپي ماڭى ەلدەرىنىڭ مۇنايدىڭ توگىلۋىنە بايلانىستى توسىن وقيعالارعا دەن قويۋعا ازىرلىگىن قامتاماسىز ەتۋ بويىنشا بىرلەسكەن قاجەتتى شارالاردى قابىلداۋ بولىپ تابىلادى.
سونىمەن قاتار، تەڭىز ماڭىنداعى ءاربىر مەملەكەت مۇمكىندىگىنشە ارنايى تەحنيكالاردىڭ ەڭ از سانىمەن قامتاماسىز ەتىلۋگە مىندەتتى بولدى. سونداي-اق، ەگەر باسقا تاراپتار سۇراۋ سالعاندا ونداي تەحنيكالاردى ۇسىنۋ جانە مۇناي توگىلۋمەن بايلانىستى توتەنشە جاعدايلاردى جويۋعا كاسپي ماڭى مەمەلكەتتەرىنىڭ بارلىق ۇجىمدىق كۇشىن پايدالانۋ مۇمكىندىگى قاراستىرىلادى.
«تۇتاستاي العاندا، اياسىندا كاسپي ماڭى مەملەكەتتەرى تەڭىزدىڭ مۇنايمەن لاستانۋىنا، قاتىستى ءىرى وقيعالارعا، ونىمەن كۇرەس بويىنشا جاڭا تەحنولوگيالارعا قاتىستى اقپاراتتار الماساتىن بولادى. اقتاۋ حاتتاماسى بۇنداي وقيعالار بارىسىندا تەڭىز ماڭىنداعى ەلدەردىڭ بىرلەسە دەن قويۋىن قاراستىرادى. حاتتامانى راتيفيكاتسيالاۋ كاسپي تەڭىزى مۇنايمەن لاستانعان جاعدايدا وڭىرلىك شارالاردىڭ ىسكە اسىرىلۋىن قامتاماسىز ەتۋگە مۇمكىندىك بەرەدى»، دەدى ەنەرگەتيكا ءمينيسترى ۆلاديمير شكولنيك .
اۆتور: قانات مامەتقازى ۇلى
