قىزىلوردادا ەكى ادامنان كيىك ءمۇيىزى تاركىلەندى

بۇل تۋرالى و ءى ءى د باسپا ءسوز قىزمەتى حابارلادى.

29- اقپاندا ساعات 12.00 دە پوليتسيا قىزمەتكەرلەرى كۇدىك تۋدىرارلىق ازاماتتى توقتاتىپ، تەكسەرۋ بارىسىندا قۇجاتتارى جوق ەكەندىگى بەلگىلى بولدى. سونىمەن قاتار، قولىنداعى پوليەتيلەن پاكەتىن تەكسەرۋ كەزىندە پاكەتتىڭ ىشىنەن بىرنەشە كيىك ءمۇيىزى تابىلدى. اتالعان دەرەك بويىنشا ق ر قىلمىستىق كودەكسىنىڭ 339-بابى بويىنشا قىلمىستىق ءىس قوزعالىپ، ءتيىستى تەرگەپ-تەكسەرۋ جۇمىستارى جۇرگىزىلۋدە.

ءدال سول كۇنى كەشكە وسىنداي وقيعا قايتالاندى. قىزىلوردا قالاسى «سىرداريا» شەپ بەكەتىندە رەيد وتكىزۋ بارىسىندا «اۋدي-100» ماركالى اۆتوكولىك توقتاتىلدى. تەكسەرۋ جۇرگىزۋ بارىسىندا كولىك جولاۋشىسىنىڭ قولىنداعى پاكەتىنەن 7 كيىك ءمۇيىزى انىقتالدى. وقيعا باسىنا جەدەل-تەرگەۋ توبى شاقىرتىلىپ، مۇيىزدەر ايعاق رەتىندە الىندى. اتالعان دەرەك بويىنشا ءتيىستى ساراپتامالار تاعايىندالىپ، تەكسەرۋ جۇمىستارى جۇرگىزىلۋدە.

ەگەر دە، ۇستالعان ازاماتتاردىڭ ق ر قىلمىستىق كودەكسىنىڭ 339-بابى بويىنشا كىناسى تولىق دالەلدەنگەن جاعدايدا، ولارعا 3 مىڭ ا ە ك مولشەرىندە ايىپپۇل سالۋعا نە ءۇش جىلعا دەيىنگى مەرزىمگە باس بوستاندىعىن ايىرۋ جازاسى بەرىلۋى مۇمكىن.

اۆتور: ەلۋباي اۋەزوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى