رەسەي ەلشىسى قازاقستاننىڭ سىرتقى ساياساتتا ەلەۋلى تابىستارعا قول جەتكىزگەنىن اتاپ ءوتتى
بۇل تۋرالى رەسەي فەدەراتسياسىنىڭ قازاقستانداعى توتەنشە جانە وكىلەتتى ەلشىسى، ديپلوماتيالىق كورپۋس دۋايەنى ميحايل بوچارنيكوۆ ەلباسى نۇرسۇلتان نازاربايەۆتىڭ قازاقستاندا تىركەلگەن ديپلوماتيالىق وكىلدىكتەردىڭ باسشىلارىمەن كەزدەسۋىندە سويلەگەن سوزىندە ايتتى.
رەسەي ديپلوماتى وتكەن جىلدىڭ قازاقستان ءۇشىن كونستيتۋتسيا مەن ق ح ا- نىڭ 20 جىلدىعى، قازاق حاندىعىنىڭ 550 جىلدىعى، ەكونوميكانى جاڭعىرتۋ جونىندەگى اۋقىمدى رەفورمالاردىڭ باستالۋى، سونداي-اق بۇكىل الەمگە قازاقستان حالقىنىڭ بىرلىگى مەن تۇتاستىعىن كورسەتكەن پرەزيدەنت سايلاۋى سياقتى تاريحي وقيعالارمەن ايشىقتالعانىن اتاپ ءوتتى.
م. بوچارنيكوۆتىڭ ايتۋىنشا، اتالعان كەزەڭدە قازاقستان سىرتقى ساياساتتا ەلەۋلى تابىستارعا قول جەتكىزدى. بۇل - ەڭ الدىمەن قازاقستاننىڭ د س ۇ- عا كىرۋى، ە ا ە و- عا ءتوراعالىق ەتىپ، ۇيىمنىڭ سىرتقى سەرىكتەستەرىمەن بايلانىسىن نىعايتۋى، ينتەگراتسيالىق بىرلەستىك جۇمىسىن «ۇلى جىبەك جولى ەكونوميكالىق بەلدەۋىمەن» ۇلاستىرۋ.
