قىزىلشادان دايىندالاتىن ەرەكشە تاعامدار
جەمىس- جيدەكتەر مەن كوكونىستەر دەنساۋلىققا تيگىزەر پايداسى وتە كوپ. سونىڭ ىشىندە، ءبىر قىزىلشانىڭ پايداسى بىرنەشە كوكونىسكە تاتيدى. قىزىلشا قۇرامىندا اعزانى تازارتاتىن، قان تامىرلارىن تازارتۋعا كومەكتەسەتىن جاسۇنىق پەن پەكتين مولشەرى كوپ.
ونىڭ ءبىر ارتىقشىلىعى كۇن سايىن ءار ءتۇرلى كۇيدە، قايناعان، بۇقتىرىلعان جانە شيكى تۇردە قولدانۋعا بولادى. ۇزاق ساقتاسا دا ەمدىك قاسيەتىن جوعالتپايدى.
قىزىلشانى سىعىپ دايىنداعان سۋسىن دا وتە پايدالى. بۋىن قابىنۋى كەزىندە كۇنىنە جارتى ستاقان قىزىلشا سۋسىنىن ءىشۋ قاجەت. قىزىلشا بۇيرەك، ىشەك، باۋىر جانە ءىش قاتۋ اۋرۋلارىن ەمدەۋدە پايداسى زور.
قىزىلشانى دۇرىس دايىنداۋ ەرەجەسى
قىزىلشانىڭ سۋدا تەز ەريتىن مينەرالدى تۇزدارىن ساقتاپ، شىرىندى بولىپ قالۋى ءۇشىن قايناتۋ الدىندا ونىڭ قابىعىن اشپاي، تەك جاقسىلاپ جۋىڭىز. قىزىلشانىڭ پايدالى زاتتارى قايناتۋ كەزىندە جوعالماس ءۇشىن تولىق پىسكەنشە قايناتپاڭىز. قىزىلشا پىسۋگە از قالعان كەزدە وتتى ءسوندىرىڭىز. قىزىلشانىڭ قانىق ءتۇسى ساقتالسىن دەسەڭىز، قايناپ جاتقان سۋعا قانت سالىڭىز (1 ليتر سۋعا 1/2 شاي قاسىق قانت).
قىزىلشا مەن كادىدەن دايىندالاتىن كرەم- سورپا
قاجەتتى ازىق- تۇلىكتەر:
- 1 قىزىلشا؛
- 1 ءسابىز؛
- 2 كارتوپ؛
- 1 كادى؛
- 1 پياز؛
- تاۋىق ەتى؛
- 1 ليتر سۋ؛
- 2 اس قاسىق كىلەگەي مايى؛
- 200 مل قايماق؛
- دامىنە قاراي تۇز.
دايىندالۋ جولى:
1. قىزىلشانى قايناتىپ، ءپىسىرىپ الىڭىز. ۇلكەن قازانعا سۋ قايناتىپ، تاۋىق ەتىن سالىڭىز. 30 مينۋت قايناتىڭىز. تاۋىق ەتى پىسكەنشە، كارتوپتى، ءسابىزدى جانە پيازدى اشىپ، تازالاپ قويىڭىز.
2. سورپادان تاۋىق ەتىن تارەلكەگە ءتۇسىرىپ الىڭىز. كارتوپ پەن كادىنى ۇزىنشا ەتىپ تۋراپ، سورپاعا سالىڭىز. سورپا قايناعانشا وتتىڭ استىن جوعارىلاتپاڭىز. سودان سوڭ ءسابىز بەن پيازدى تۋراپ سالىڭىز. بارلىعىن 20 مينۋتتاي قايناتىپ، وتتان ءتۇسىرىڭىز.
3. پىسكەن قىزىلشانى ۇككىشتەن وتكىزىڭىز. ۇككىشتەن وتكىزىلگەن قىزىلشانى بلەندەرگە سالىپ، ۇستىنە سورپانى قۇيىپ، بىرتەكتى بولعانشا ارالاستىرىڭىز. سورپانى قايتادان قازانعا قۇيىپ، وتتى جاعىپ، قايناعان سوڭ قايماقتىڭ جارتىسىن سالىڭىز. ارالاستىرىڭىز. سورپانى وتتان الىڭىز. دايىن سورپانى تارەلكەلەرگە ءبولىپ قۇيىپ، ۇستىنە تۋرالعان تاۋىق ەتىنەن سالىڭىز. قايماقتىڭ قالعان جارتىسىن ىدىسقا قۇيىپ، داستارقانعا قويىڭىز. دامىنە قاراي اركىم ءوزى تاعى دا قايماق قوسۋىنا بولادى.
جالعاسى بار
