عالىمدار ارىقتاۋ ءۇشىن قانشا ۇيىقتاۋ كەرەكتىگىن انىقتادى
ماماندار زەرتتەۋلەرىن 10 جىل بويى 130 دان استام ايەلگە جۇرگىزگەن. زەرتتەۋ قورىتىندىسى بويىنشا سەمىزدىككە شالدىعۋ قاۋپى ۇيقى رەجيمى بۇزىلعان ايەلدەرگە قاراعاندا ۇيقىسى دۇرىس ادامداردا 45 پايىزعا تومەن بولاتىنى انىقتالدى.
تاجىريبە جۇرگىزگەن مامانداردىڭ ايتۋىنشا، سالماق جيناۋ الدىمەن تۇنگى ۋاقىتتا اش بولۋمەن بايلانىستى. ولار ۇيقى رەجيمى بۇزىلعان كەزدە ادامنىڭ اعزاسىندا تابەتتى اشاتىن گرەلين گورمونى كوپ بولىنەتىنىن ايتادى. وسىلايشا تۇندە تاماقتانعان ادامنىڭ اعزاسىنا قوسىمشا كالوريا جينالادى ەكەن.
سالماق قوسۋداعى ەكىنشى سەبەپكە ساراپشىلار ادامنىڭ ۇنەمى شارشاپ جۇرەتىنىن جاتقىزادى. بۇعان دەيىن ماماندار حابارلاعانداي، ءتورت كۇن بويى از ۇيىقتاعان ادامنىڭ اعزاسى مايدىڭ جينالۋ قاۋپىن ارتىرا تۇسەدى. سونىمەن بىرگە 8 ساعاتتان كەم ۇيىقتاماعان جاندار بەس ساعات ۇيىقتايتىندارعا قاراعاندا تەز ارىقتايدى ەكەن.
جاقسى ۇيقى ادامنىڭ سالماعىنا اسەر ەتەنىن انىقتاعان سوڭ عالىمدار بىرنەشە كەڭەس بەرە كەتتى. الدىمەن ولار ادامدارعا تاۋلىگىنە 6,5-8,5 ساعات ۇيىقتاعان ءجون ەكەندىگىن ايتادى. ەكىنشىدەن، رەجيم ساقتالعانى دۇرىس، ياعني بەلگىلى ءبىر ۋاقىتتا تۇرىپ، بەلگىلى ءبىر ۋاقىتتا ۇيقىعا جاتقان ءجون. سونىمەن بىرگە ماماندار جاتىن بولمەنىڭ تەمپەراتۋراسىنا دا كوڭىل بولگەن دۇرىس دەيدى. ۇيىقتار الدىندا تەرەزەنىڭ پەردەسى جابىق بولعانى دۇرىس. سەبەبى قاراڭعىلىق ادامنىڭ ۇيقىسى جاقسى بولۋىنا اسەر ەتەدى. سونداي-اق سوڭعى كەزدەرىجيى ءسوز بولىپ جۇرگەن ۇيالى تەلەفوندار مەن ءتۇرلى گادجەتتەردى ءوشىرىپ قويعان ءجون. ۇيقى دۇرىس بولۋى ءۇشىن جاتاردان 30 مينۋت بۇرىن ەلەكتروندى قۇرىلعىلاردى ءوشىرىپ وتىرۋ كەرەك دەپ كەڭەس بەرەدى عالىمدار.
