بەيجىڭدە «باتىس ەۋروپا - باتىس قىتاي» كولىك ءدالىزىنىڭ قۇرىلىسى ماسەلەلەرى تالقىلاندى - فوتو
«قازاقستان مەن قىتايدى دوستىق قارىم- قاتىناس بايلانىستىرىپ وتىر. وسىنىڭ ارقاسىندا وتكەن جىلى ەكى ەل اراسىنداعى بارلىق باعىت بويىنشا ىنتىماقتاستىق جوعارى دەڭگەيگە شىقتى»، - دەدى كەزدەسۋدە تان سينحۋەي.
قازاقستاندىق ديپلومات تان سينحۋەيگە 2015-2019 -جىلدارعا ارنالعان قازاقستان رەسپۋبليكاسىنىڭ مەملەكەتتىك يندۋستريالدىق- يننوۆاتسيالىق دامۋ باعدارلاماسىنىڭ نەگىزگى تۇستارى، «نۇرلى جول» جاڭا ەكونوميكالىق ساياسات پەن «جىبەك جولىنىڭ ەكونوميكالىق بەلدەۋى» باعدارلامالارىنداعى ءتۇيىسۋ جەرلەرى، سونىمەن قاتار قازاقستاندى باسەكەگە قابىلەتتى ەڭ دامىعان 30 ەلدىڭ قاتارىنا كىرگىزۋگە باعىتتالعان «2050 ستراتەگياسىنىڭ» جۇزەگە اسۋى جايلى اڭگىمەلەپ بەردى.
جيىندا تاراپتار كولىك، قالالىق جانە تۇرعىن ينفراقۇرىلىمىنىڭ قۇرىلىسى سالاسىنداعى ىنتىماقتاستىقتى ارى قاراي دامىتۋ بويىنشا ءوزارا پىكىر الماستى. تان سينحۋەي قازاقستانعا قۇيىلاتىن ينۆەستيتسيالار كولەمىن ارتتىرۋعا قىزىعۋشىلىق تانىتتى.
ەسكە سالا كەتەيىك، «باتىس ەۋروپا - باتىس قىتاي» اۆتوماگيسترال جوباسىن «China General Technology Holding Co.Ltd» (Genertec) ەنشىلەس كومپانياسى «سينسين» كورپوراتسياسى جۇزەگە اسىرادى.
«Genertec» 1998 -جىلى ناۋرىزدا قۇرىلعان.
