قازاقستان تاريحى ورىس ءتىلدى مەكتەپتەردە قازاق تىلىندە وقىتىلاتىن بولادى

بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر ءبىلىم جانە عىلىم مينيسترلىگىنىڭ مەكتەپكە دەيىنگى جانە ورتا ءبىلىم، اقپاراتتىق تەحنولوگيالار دەپارتامەنتىنىڭ ديرەكتورى جاڭىل جونتايەۆا ءمالىم ەتتى.

«2018-2019 - جىلداردان باستاپ، قازاقستان تاريحى التىنشى سىنىپتان تەك قازاق تىلىندە وقىتىلادى دەگەن جوسپار بار. ول ورىس ءتىلدى مەكتەپ پە، قازاق ءتىلدى مەكتەپ پە، ماڭىزدى ەمەس. ال دۇنيەءجۇزى تاريحى ءپانى قازاق ءتىلدى مەكتەپتە دە، ورىس ءتىلدى مەكتەپتە دە تەك ورىس تىلىندە وتىلەدى. 2019-2020 وقۋ جىلىندا 10-11 - سىنىپتار ينفورماتيكا، حيميا، بيولوگيا پاندەرىن تەك اعىلشىن تىلىندە وقيدى. بەسىنشى سىنىپتان باستاپ وقۋشىلار تەرمينولوگيانى وقي باستايدى. ءۇش ءتىلدى ءبىلىم بەرۋ جۇيەسىنە تولىعىمەن 2022-2023 -جىلدارى كوشەمىز دەپ مەجەلەپ وتىرمىز»، - دەپ اتاپ ءوتتى ج. جونتايەۆا.

 ايتا كەتەيىك، ءۇش ءتىلدى وقىتۋ جۇيەسى 33 مەكتەپتە تاجىريبە رەتىندە ەنگىزىلگەن بولاتىن. قازاقستاندا ءۇش ءتىلدى وقىتۋ وسى مەكتەپتەردىڭ ۇلگىسىندە قۇرىلادى دەپ جوسپارلانعان. جوعارى سىنىپتاردا اعىلشىن تىلىندە وقىتۋ بويىنشا جۇمىستار 2017-2023 - جىلدارى جۇزەگە اسىرىلادى.

 اۆتور: جاسۇلان جولدىبايەۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى