اعىلشىن ءتىلى ۇ ب ت- نىڭ مىندەتتى پاندەرىنە قوسىلۋى مۇمكىن
بۇل تۋرالى بۇگىن ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا ق ر ب ع م ۆيسە- ءمينيسترى تاحير بالىقبايەۆ ءمالىم ەتتى.
«ءبىز قازىر اعىلشىن ءتىلىن ەنگىزۋدى مەجەلەپ وتىرمىز، كورشى رەسەيدە 2021 - جىلدان باستاپ اعىلشىن تىلىنەن مىندەتتى تۇردە ەمحتيحان تاپسىرىلاتىن پاندەرگە قوسپاقشى. سوندىقتان بىزدە مىندەتتى تۇردە تاپسىرىلۋى ءتيىس پاندەردىڭ قاتارىنا اعىلشىن ءتىلىن دە قوسۋىمىز ابدەن مۇمكىن. وسى ورايدا، ءبىز ۇلتتىق ءبىرىڭعاي تەستىلەۋدى رەفورمالاۋ بويىنشا جۇمىستاردى باستاماقپىز. ونىڭ نۇسقاسى قانداي بولادى، قالاي ىسكە اسىرىلادى، ونى تۇبەگەيلى انىقتاعاننان كەيىن حالىققا ەگجەي- تەگجەيلى ايتاتىن بولامىز»، - دەپ اتاپ ءوتتى ۆيتسە- مينيستر.
ونىڭ ايتۋىنشا، ۇ ب ت سۇراقتارىنىڭ باعىتى مەن مازمۇنى دا ءبىرشاما وزگەرەدى.
«مۇندا بىرنەشە باعىتتار بار، بىرىنشىدەن، ءبىز فاكتىلەردەن لوگيكالىق سۇراقتارعا كوپ باسىمدىق بەرەتىن شىعارمىز. دەمەك، تۇلەكتەردىڭ ويلاۋ قابىلەتىن باعالاۋعا بولادى. وعان ءبىزدىڭ ەنگىزىپ جاتقان ارنايى تاپسىرمالار بار»، - دەدى تاحير بالىقبايەۆ.
اۆتور: جاسۇلان جولدىبايەۆ
