ن. نازاربايەۆ الەم ەلدەرىن لاڭكەستىكتى بەيبىتشىلىك سۇيگىش يسلاممەن تەڭەستىرۋگە جول بەرمەۋگە شاقىردى
بۇل تۋرالى بۇگىن اقوردادا قازاقستاندا تىركەلگەن شەتەلدىك ديپلوماتيالىق ميسسيالار باسشىلارىمەن كەزدەسۋ بارىسىندا ق ر پرەزيدەنتى نۇرسۇلتان نازاربايەۆ ايتتى.
«مەن لاڭكەستىكتى بەيبىتشىلىك سۇيگىش يسلاممەن جانە باسقا دا دىندەرمەن تەڭەستىرۋگە جول بەرىلمەۋى تيىستىگىن بىرنەشە مارتە اتاپ ءوتتىم. ءبىزدىڭ باستامامىزبەن اعىمداعى جىلدىڭ مامىرىندا ب ۇ ۇ باس اسسامبلەياسىنىڭ سەسسياسىندا «ءدىن مەن الەم» تاقىرىبىنداعى جوعارى دەڭگەيدەگى سۇحباتتاستىق وتكىزىلەتىن بولادى»، - دەدى ق ر پرەزيدەنتى.
وسى رەتتە ن. نازاربايەۆ بارلىق ەلدەردى اتالعان فورۋمعا قاتىسىپ، لاڭكەستىك پەن ەكسترەميزمگە، ءدىندى جاھاندىق زۇلىمدىقتى تاسالاۋ ءۇشىن پايدالانۋعا بىرىگىپ قارسى تۇرۋعا شاقىردى.
اۆتور: مارلان جيەمباي
