ءار بەيسەنبىدە «مەدەۋ» مۇز ايدىنىنىڭ قوناقتارىن قازاقستاندىق ەسترادا جۇلدىزدارى قارسى الادى
ۇيىمداستىرۋشىلاردىڭ حابارلاۋىنشا، 25- اقپاننان 7- ساۋىرگە دەيىن (ءار بەيسەنبىدە) ساعات 19:00-دان 22:00 گە دەيىن «مەدەۋ» بيىك تاۋداعى مۇز ايدىنىندا جاپپاي بۇقارالىق سىرعاناق تەبۋ كەزىندە ««مەدەۋ مۇز Fest» فەستيۆالى اياسىندا قازاقستاندىق ەسترادا جۇلدىزدارىنىڭ قاتىسۋىمەن كونسەرتتەر وتكىزىلەدى.
«وتكەن اپتادا «مەدەۋ» قوناقتارى الدىندا نۇرجان كەرمەنبايەۆ پەن YES17 توبى ونەر كورسەتتى. ال 3- ناۋرىزدا سىرعاناق تەبۋشىلەر «Do-Mi-No» توبىنىڭ سۇيىكتى حيتتارىمەن سۋسىندايدى»، - دەلىنگەن حابارلامادا.
«مەدەۋ» باسشىلىعى بەلسەندى جانە سالاۋاتتى ءومىر سالتىن ناسيحاتتايتىن جوبالار مەن جاقسى يدەيالارعا ءارقاشان دا قولداۋ كورسەتۋدە. بۇرىن مۇز ايدىنىندا «ازيا داۋىسى» حالىقارالىق مۋزىكا فەستيۆالى وتەتىن ەدى. ەندى بۇدان بۇلاي «مەدەۋ مۇزFest» فەستيۆالى دە جۇرتشىلىق كوڭىلىنەن شىعاتىنىنا سەنەمىز.
