ۆەتنام ينجەنەرى سالماعى ءۇش مىڭ توننالىق تۇتاس عيماراتتى جىلجىتپاق

تاريحي عيماراتتىڭ سالماعى ءۇش مىڭ تونناعا جەتەدى. ونى بۇدان ءارى 70 مەترگە جىلجىتىپ، 90 گرادۋسقا بۇرماق.

عيماراتتى بۇزباي-اق ورنىنان جىلجىتۋ جوباسىن ينجەنەر دو كۋوك كحان جاسادى، وتانداستارى ونى دانىشپان دەپ سانايدى.

ءۇيدى جىلجىتۋ ۇدەرىسىنە بارلىعى 30 ادام جانە 300 توننالىق جابدىق جۇمىلدىرىلعان. ەكىقاباتتى عيمارات بۇدان 223 جىل بۇرىن سالىنىپتى. ونىڭ ۇزىندىعى 58 مەتر، ەنى - 26 مەتر. بۇل جىلجىمايتىن مۇلىك داكلاك پروۆينتسياسىنىڭ اسكەري قولباسشىلىعىنا تيەسىلى ەكەن.

وقشاۋ تۇرعىن ءۇيدى كۇنىنە 10 مەترگە جىلجىتۋ كوزدەلىپ وتىر. جۇمىستاعى ءۇزىلىس كەزىندە كوشىرۋدەن بولعان بۇزىلۋدى جونگە كەلتىرۋ جانە دەر كەزىندە جابدىقتارىن اۋىستىرۋ جۇرگىزىلەدى. دو كۋوك كحان عيمارات كونسترۋكتسياسىنىڭ تۇتاستىعىن ساقتاپ قالۋعا ۋادە بەردى.

عيماراتتى باسقا جەرگە بۇزباستان كوشىرۋ 20 كۇننىڭ ىشىندە اياقتالماقشى.

العاش رەت عيماراتتى تۇتاستاي ورنىنان جىلجىتۋدى ماسكەۋ كرەملىندەگى ۋسپەن سوبورىن سالعان يتالياندىق ساۋلەتشى جانە ينجەنەر اريستوتەل فيوراۆانتي XV عاسىردا جۇزەگە اسىرىپتى. سول كەزدە شىركەۋدىڭ 24 مەترلىك قوڭىراۋ تۇراتىن بولىگى 13 مەترگە ورنىنان جىلجىتىلعان كورىنەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى