قازاقستان مەن پاكىستاننىڭ اسكەري قىزمەتشىلەرى ىنتىماقتاستىقتىڭ جاڭا مۇمكىندىكتەرىن قاراستىردى - فوتو
«قازاقستاندىق تاراپ تاجىريبە الماسۋ، پەرسونالدى وقىتۋ، حالىقارالىق اسكەري جارىستار مەن وقۋ-جاتتىعۋلارعا قاتىسۋ جونىندەگى بىرلەسكەن كۇش-جىگەردى ورىستەتۋگە نيەتتى»، - دەدى ءوز سوزىندە كونتر-ادميرال جانداربەك جانزاقوۆ.
قازاقستان مەن پاكىستاننىڭ اسكەري ىنتىماقتاستىعىن دامىتۋداعى ماڭىزدى باعىت اسكەري ءبىلىم بەرۋ بولىپ تابىلادى. بۇگىندە قازاقستاندىق اسكەري قىزمەتشىلەردىڭ پاكىستان يسلام رەسپۋبليكاسىنىڭ وقۋ ورىندارىندا، قۇرلىق اسكەرلەرىنىڭ اسكەري اكادەمياسىندا، ۇلتتىق قورعانىس كوللەدجىندە جانە ت. ب. ءبىلىم الۋلارىنا مۇمكىندىكتەرى بار.
ءوز كەزەگىندە، ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتى جىل سايىن تانىستىرۋ ساپارىمەن قازاقستان رەسپۋبليكاسىنا كەلەتىن پاكىستاندىق اسكەري كوللەدجدەردىڭ تىڭداۋشىلارىن قابىلدايدى. بۇگىنگى كۇنى قازاقستان مەن پاكىستاننىڭ قارۋلى كۇشتەرى ءارتۇرلى باعىتتاردا ءوزارا ءىس-ارەكەت جاساپ جۇرگەندەرىن ايتا كەتكەن ءجون. قورعانىس اياسىنداعى ەكىجاقتى قارىم-قاتىناستىڭ دامۋداعى الەۋەتى وراسان زور.
