شەتەلدىكتەر مارستى قازاقستاننان تاپتى - فوتو
گولليۆۋدتىڭ «مارسيانين» فيلمىنەن كەيىن كوپتەگەن الەمدىك ينتەرنەت-رەسۋرستار جەردەگى مارسقا ۇقساس مەكەندەردىڭ ءتىزىمىن قۇرادى. بارلىق تىزىمدە قازاقستاننىڭ قيىن-كەرىش شاتقالى كوش باسىندا تۇر. وسى جىلى قازاقستانعا شاتقالدىڭ كورىنىستەرىنە ءتانتى بولعان 100 گە جۋىق شەتەلدىك تۋريست كەلمەك.
ايتا كەتەرلىگى، يوردانيالىق ۆادي رام شولىندە «مارسيانين» فيلمىن تۇسىرگەندەر، كادرلاردى كومپيۋتەردە قىزىلعا بوياپ وتىرعان. ال قيىن-كەرىش شاتقالىنا ونداي «بوياۋدىڭ» ەش قاجەتى جوق. ول قىزىل باتپاعى كوپ بولعاندىقتان، ونسىز دا كەرەمەت كورىنەدى.
قيىن-كەرىشتىڭ ەڭ باستى قازىناسى - ءار گەولوگيالىق داۋىرلەر ءىز قالدىرعان ءتۇرلى-ءتۇستى قاتپارلارى، شوگىندىلەرى مەن بەدەرلەرى. گەولوگتار بۇل جەردى تابيعات ەسكەرتكىشى دەپ ساناۋدا.
بۇل وڭىردە كونە زاماننىڭ جانۋارلارىنىڭ سۇيەكتەرى تابىلىپ جاتادى. ەرتە زاماندا مۇندا دجۋنگلي بولاتىن، سول سەبەپتى پالەونتولوگتار بۇل ايماقتان ءمۇيىزتۇمسىقتار مەن قولتىراۋىنداردىڭ سۇيەكتەرىن كەزىكتىرەدى.
ورنالاسقان جەرى - شىعىس قازاقستان وبلىسى كۇرشىم اۋدانىنىڭ ورتالىعى كۇرشىمنەن وڭتۇستىككە قاراي (كۇرشىم-قالجىر جولى بويىمەن) - 120 شاقىرىم، زايسان كولى مەن امانات اۋىلى تۇسىنان سولتۇستىككە قاراي - 25-28 شاقىرىم.
