وڭتۇستىكتە العىس ايتۋ كۇنىندە جەرگىلىكتى تۇرعىندار ەرەكشە سىيلىققا يە بولدى - فوتو
قايىرىمدىلىق شاراعا اۋدان اكىمدىگى مەن كاسىپكەرلەر تاراپى قولداۋ كورسەتكەن. ناتيجەسىندە تۇرعىندارعا كيىمدەر تەگىن تاراتىلدى.
«ءبارى دە راحمەت ءۇشىن» دەگەن تاقىرىپپەن وتكەن مەرەكەدە كەز كەلگەن تۇرعىن اۋداندىق مادەنيەت ءۇيىنىڭ فويەسىندە تۇرعان كيىمنىڭ ۇناعانىن بارىپ الۋ مۇمكىندىگىنە يە بولدى.
وسىنداي يگى باستامانىڭ شاراپاتىن كورگەن جەرگىلىكتى تۇرعىن ج. داۋلەتوۆا قايىرىمدىلىق باستامانى ۇيىمداستىرۋشىلارعا ءوز العىسىن جەتكىزىپ، بۇعان دەيىن مۇنداي يگى باستامانى كورمەگەنىن جاسىرا المادى.
العىس ايتۋ كۇنىنە وراي ۇيىمداستىرىلعان شارا بارىسىندا اۋدان اكىمى ماقسات يسايەۆ بارشا تۇرعىنداردى تۇڭعىش رەت وتكىزىلىپ وتىرعان العىس ايتۋ كۇنىمەن قۇتتىقتاپ، مۇقتاج جاندارعا اكىمدىك تاراپىنان قاشاندا كومەك بولاتىنىن ۋادە ەتتى.
ايتا كەتۋ كەرەك، العىس ايتۋ كۇنىنە وراي ۇيىمداستىرىلعان قايىرىمدىلىق اكسياسى سوزاق اۋدانىنا قاراستى 12 اۋىل اكىمشىلىگىنىڭ بارلىعىندا ءوتتى.
