قازاقستانداعى ا ق ش ەلشىلىگى قازاق بالالارىنىڭ قازاعا ۇشىراۋىنا بايلانىستى كوڭىل ايتتى
«ا ق ش ەلشىلىگى قازاقستاننان اسىراپ العان بالالاردىڭ قايعىلى ولىمىنە بايلانىستى رەسمي مالىمدەمەسىن جاريالادى. قازاقستانداعى ا ق ش ديپلوماتيالىق ميسسياسى امەريكالىق وتباسى اسىراپ العان قازاقستاندىق بالالاردىڭ ولىمىنە سەبەپ بولعان تراگەديانى ەستىپ، اۋىر قايعىعا باتتى. ا ق ش حالقى قازاقستاننىڭ حالقىمەن بىرگە قايعىرۋدا. ا ق ش قۇقىق قورعاۋ ورگاندارى ورىن العان وقيعانىڭ ناقتى ءمان-جايى مەن سەبەپتەرىن انىقتاپ جاتىر. بۇل وقيعادان سوڭ ا ق ش مەملەكەتتىك دەپارتامەنتى ۆاشينگتونداعى قازاقستاننىڭ ەلشىلىگىمەن حابارلاسقانداي، ا ق ش ديپلوماتيالىق ميسسياسى استاناداعى سىرتقى ىستەر مينيسترلىگىمەن حابارلاستى. ءبىز، ءوزىمىزدىڭ باسقا ەلدەردەن اسىراپ العان بالالاردىڭ الەۋمەتتىك قورعانىسىن قامتۋداعى تاجىريبەمىزگە قاتىستى، ا ق ش- تاعى بالالاردىڭ الەۋمەتتىك قورعانىسىمەن اينالىساتىن قاجەتتى ورگاندار مەن قازاقستاننىڭ رەسمي وكىلدەرىنىڭ قارىم-قاتىناسىن قامتاماسىز ەتۋدى جالعاستىرامىز»، - دەلىنگەن ەلشىلىكتىڭ رەسمي مالىمدەمەسىندە.
ەلشىلىكتىڭ دەرەگىنە سۇيەنسەك، قازىر ا ق ش- تا قازاقستاندا تۋعان 600 دەن استام بالا اسىراپ العان وتباسىلارىمەن بىرگە ءومىر ءسۇرىپ جاتىر.
اۆتور: كەنجەكەي توقتامۇرات قىزى
