العىس ايتۋ مەرەكەسى قازاق حالقىنىڭ مادەني جانە تاريحي داستۇرلەرىنەن باستاۋ الادى - سەرگەي كۋلاگين
قۇتتىقتاۋ ماتىنىندە: «قۇرمەتتى اقمولالىقتار! بيىلعى جىلدىڭ 1- ناۋرىزىندا ەلىمىز تۇڭعىش رەت جاڭا مەرەكە - العىس كۇنىن اتاپ وتكەلى وتىر. بۇل مەرەكە قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ باستاماسىمەن كۇنتىزبەمىزگە ەنگىزىلگەن بولاتىن.
ءدال وسى كۇنى 1995-جىلى قازاقستاندىقتاردىڭ ساناسىنا بىرلىك پەن تۇراقتىلىق، تاتۋلىق پەن ەڭبەك سۇيگىشتىك جانە وتان سۇيگىشتىك سياقتى ۇلى ماقساتتاردى سىڭىرگەن ينستيتۋت - قازاقستان حالىق اسسامبلەياسى قۇرىلعان بولاتىن. بۇل مەرەكە قازاق حالقىنىڭ ەجەلدەن كەلە جاتقان كەڭپەيىلدىك پەن قوناقجايلىلىق سياقتى قانىنا سىڭگەن مادەني جانە تاريحي داستۇرلەرىنەن باستاۋ الادى.
بۇل كۇن ەلىمىزدە قالىپتاسقان تاتۋلىق پەن بىرلىكتى، تۇراقتىلىقتى ونان ءارى نىعايتۋعا، مەملەكەتتىك ساياساتىمىزدىڭ العا ۇستانعان باعدارى مەن ۇلى ماقساتتارىنا قاراي نىق قادام باسۋعا حالىقتى جۇمىلدىرۋعا يگى ىقپالىن تيگىزەتىنىنە سەنەمىن.
قادىرلى جەرلەستەر! سىزدەردىڭ ازاماتتىق ۇستانىمدارىڭىز بەن وتانعا دەگەن قالتقىسىز سۇيىسپەنشىلىكتەرىڭىز، تاۋەلسىز قازاقستان ەلى ءۇشىن اتقارىپ جاتقان ادال ەڭبەكتەرىڭىز ءۇشىن العىسىم مەن قۇتتىقتاۋىمدى قابىل الىڭىزدار! وتباسىلارىڭىزعا يگىلىك پەن باقىت، جاقسىلىق پەن تاتۋلىق تىلەيمىن!»، دەپ كورسەتىلگەن قۇتتىقتاۋدا.
اۆتور: اسلان وسپانوۆ
